金記客棧 (Closed)

今日中午同朋友一齊入到數碼港 打算一試佢既招牌菜避風塘炒蟹 結果發現蟹未到 未能試到 雖然有d失望 但都點左幾道小菜 分別有 燒味雙併叉燒加燒腩仔 椒鹽九肚魚 豆腐班腩煲 咖哩牛腩煲 燒鴨例牌 菲黃蝦仁炒蛋 椒鹽豆腐 叉燒好好味 好鬆化 嫩嫩地充滿肉汁 九肚魚外脆內軟 好明顯師傅有落過功夫去除九肚魚多餘既水份 所以炸出來九肚魚內裡都唔太干亦濕 椒鹽豆腐都好外脆內軟 好美味下 至於燒鴨 咖哩牛腩煲 豆腐班腩 味道都幾唔錯既 不過無太大驚奇 至於菲黃蝦仁炒蛋 略覺口感唔夠滑 總體來講 金記客棧內𥚃布置寬敞舒服 幾散致 價錢唔貴 絕對系一間性價比高既食肆 值得推介 希望下次再入數碼港可試到佢既避風塘炒蟹啦