吉豚屋吉列豬扒專門店 (Closed)

上次喺旺角食過一次，原來屋企附近都開咗一間，所以嚟返尋味😋。點左一個鐵板生薑豚肉配飯，另外跟咗一杯柚子特飲（飲品有好多選擇而且唔使另外加錢）。成個餐連麵豉湯，有嘢飲，麵豉湯裏面有好大塊肥豬肉片，如果你唔係非常肚餓就唔好食，因為啲肥肉入口即溶，飽肚。留肚嘅原因係一大塊有瘦有肥嘅豬扒，同埋索晒啲生薑汁嘅椰菜絲，唔使驚多肉少菜。隔離仲有沙律醬，配埋一碗白飯非常夾，飯嘅份量唔算多，但成個餐一定夠你食得飽😛。唯一不足嘅地方係佢啲生薑絲係分開擺，令到個豬扒嘅薑味唔係好夠，但就性價比，味道嚟講係值得一試嘅👍🏻