新橋餐廳 (Closed)

同男朋友去百利商場搵結婚用品前，open rice search下有乜好食, search到新橋，見到D SET都好似几好味, 就跟住地址去。入到餐廰好特別，感覺好似私房菜。呢度有几個電視，播住歌, 睇住波, 又有戸外地方，可以出去坐下傾下計，令人感覺好relax。我地叫左個二人set dinner. 包是日餐湯,沙律,主菜,再加飲品~店員服務不錯，每道菜也會簡單講解。是日餐湯係番茄忌廉湯,入面既面包粒用蒜蓉整過~有驚喜呀~沙律係呑拿魚沙律，店員話大廚有煎過D汁,所以味道好出好濃帶點酸酸甜甜，好好味~ 講下個吞拿魚，佢表面輕輕煎過，燒得好靚好香，中意吞拿魚的朋友一定要試下, 同沙律一起配搭很清新~第一個set係扒龍蝦拼燒鯖魚配香草牛油汁, 龍蝦都幾大隻，焗完後，肉質鮮嫩彈牙, 好好味~另一邊就是鯖魚，我估大廚煎左表皮先，咁樣肉汁就可以鎖係入面，保留鯖魚的味道~大廚烹調時間唔錯，燒得香脆可口~另外個主菜叫左個紐西蘭羊後膝配紅酒燒汁，羊後膝煎得剛剛好，咬下去很鮮嫩,配上又濃又鮮味的紅酒燒汁,每一啖都好滿足!今晚真係大滿足,無諗過可以係血拼前食到一餐咁好味既dinner~~ highly r