屋喔 (Closed)

一個人係銅鑼灣行完街，就去左附近搵食！因為好肚餓、胃口唔錯，就叫左個雜扒餐！一個餐份量好多，有餐湯、沙律、主菜同飲品，最後連自己都佩服自己可以食得晒！！屋喔軍艦扒餐：餐湯係蘑菇忌廉湯，幾大碗下，味道無咩特別，不過不失。沙律香芋味沙冰餐牌上張相幾靚，就吸引左嗌。實物同相一樣，望落都幾好飲。飲落就覺得淡味左少少，但都幾有香芋味。飲飲下唔覺意將薄荷葉篤埋落去，有淡淡既薄荷味，發覺又幾好飲喎。可選跟雜菜、飯或意粉薯條係我喜歡既粗薯，炸得好脆，正！扒有雞扒、豬扒同腸。雞扒我覺得整得最好味！首先，雞扒幾大塊，雞肉好嫩滑，又“葉”過，好入味。外邊皮煎得焦焦地，好脆！咬落去仲有肉汁流豬扒較細塊，但幾林，幾入味。幾鍾意佢有少少肥肉痴住，食落更juicy。脆皮腸呢度場大，幾乾淨，職員有禮，食物ok,值得一試！