18樓雞煲火鍋專門店

Open Now

Now Closed

今日系旺角行街，兩個人行到累累地搵野食，行到創興廣場見到有間18樓雞煲就系18樓幾得意，就上去看看，一上去就比佢環境吸引住，周邊都是老香港的布置，不同特色的招牌、菜檔、牛肉檔，琳瑯滿目。我們點了小辣的雞煲，好惹味，而且啖啖都系肉，好少骨，滿足曬我呢個食肉獸的口味，正!之後加湯底下去，配合原本雞煲的底，味道很濃，很岩打邊爐，我們點了A餐，A餐是最普通最便宜，但估不到D牛都好好食，比想像中要好味，沒什麼肥脂，肉質鮮嫩，正! A餐還有很多東西可以選擇，特別推介他的炸魚皮，很脆口，光食也很好食，響鈴，做了很多層，浸一浸個湯，個種層次脆口又夾雜湯鮮味，正!仲有很多海鮮可以簡，最喜歡蜆和魷魚，蜆又大隻，份量多，又鮮甜沒沙的，配埋個湯底好正! 出面野飲櫃多野飲，很足貨，特別欣賞自家制的冬瓜茶，甜而不腻，剛到好處。食完邊爐，呢度仲有乳酪雪糕可以食，作為結尾，我的胃滿載而歸，幸福感滿滿!