星級餐廳

Open Now

Now Closed

呢日去大角咀覓食，「星級餐廳」又有雞煲又有火鍋，一次滿足晒兩個願望😳我哋當日叫咗C餐，火鍋配料及海鮮都係任食🙌🏻一坐低店員已經奉上醬料，炸蒜辣椒蔥花一應俱全，滿足晒唔同口味嘅朋友😎出邊嘅雪櫃同樣飲料充足，啤酒汽水全部都係任飲🤗而火鍋配料亦有好多種類，各式各樣嘅丸類、餐肉、蔬菜菇類以及雞蛋😝喺火鍋嚟之前亦叫咗一啲小食，忌廉蟹肉薯餅、吉列蠔，炸得非常酥脆，一咬落去忌廉蟹肉湧晒出嚟，而且熱辣辣，非常開胃🤤我哋叫咗椰子雞湯，湯底清甜濃郁，椰香味十足，放落去嘅火鍋配料都吸收晒椰子香味😋C餐仲可以任食牛小排、牛板腱、豚肉及羊肉，肉質細嫩，肉味香濃，放落去淥一陣就已經可以食啦🤤而海鮮種類同樣繁多，有帆立貝、蟶子、紐西蘭青口，海鮮新鮮，大大粒非常厚實，而蝦滑同花枝滑同樣彈牙😆除咗咁豐富嘅火鍋，仲有一個惹味嘅雞煲，我哋叫咗小辣，雞肉嫩滑，而且份量十足，食極都仲有🥰