雞翼山 (T.O.P This is Our Place)

Open Now

Now Closed

今日喺旺角行街，行到旺角中心附近開始有啲肚餓，即刻上OpenRice望吓附近有咩食。見到有一間轉系食雞翼嘅餐廳都幾吸引所以去試吓。雞翼山，餐廳地方唔大主打係做外賣，但係都有張吧枱可以堂食。主打嘅雞翼有九款味道選擇，仲有好多唔同嘅飲品套餐任你配搭。黑松露武士雞翼，雞翼外面有啲黑松露粉食落去味道都幾香，黑松露同雞味非常配搭，雞翼做到好多汁，肉質仲係好嫩滑。櫻花蝦蝦醬雞翼，櫻花蝦細細粒望落去都幾靚，入口有蝦嘅香味，加上櫻花蝦入口都幾有口感，味道配搭得幾好。文青風玫瑰雞翼，三個味道呢個味道最正，雞翼上面有少少蜜糖，香草玫瑰花瓣碎，食落去有淡淡的清香再到雞翼肉香。味道好有層次，清甜得來又有口感。雞翼做得好出色，每一隻都好飽滿。一人餐B餐，溫泉蛋洋蔥雞翼，甜街辣雞軟骨，唐揚蝦，溫泉蛋好吸引，食落去有等陣嘅蛋香，雞軟骨加埋個芥辣醬食味道好突出。最後點咗杯百里香番石榴抹香綠茶，番石榴綠茶味道好清新，最特別係有百里香嘅清香味。又清涼又解渴。仲要好好飲。