FRITES Belgium on Tap (Moved) New Location

比利時餐廳賣的全是比利時食品，裝潢如是，啤酒丶食物丶佈置丶氣氛丶比利時犬等等。來的客人以老外為主，侍應招呼全用英語。來者必飲啤酒，七點前是Happy Hour，可惜我們七點幾先到，啤酒照飲，今晚我試下飲果味啤酒，熱情果味，只有三點幾酒精濃度，味如有氣果汁，好在甜味有助替豬手解膩。前菜點選三文魚他他，似西化了的日本魚生，外型似肉醬，調味酸甜，食完開胃，嫌唔夠酸，旁邊有新鮮檸檬可加，配塊薄餅食，但只得一塊，我覺得有多幾塊餅乾更好。跟住係必食的青口，我們選了喇沙醬，個汁辣辣地好香惹，澳洲的青口好肥美，隻隻肥啫。配兩片厚多士，預先煎香，又香又新鮮。比利時薯條特別粗大，好有口感。仲食了招牌豬手，真正的皮脆肉嫩，脆得唔硬有汁水，皮下無脂肪，燒得非常好。底下的蔬菜有瓜丶洋蔥丶薯仔，吸哂啲汁，好入味。最後是心太軟，流心暖暖的，同雪糕係最佳配搭，完美的完結。