Video
Read full review
2019-03-16
3230 views
小伙子向來勤奮好學，雖然已經踏足社會一段時間，但仍然孜孜不倦，最近又再次拿了獎學金，所以趁 Happy Friday，就一家人外出吃頓飯慶祝。過年前去銅鑼灣渣甸街 Aura On Pennington 食酸菜魚時，留意到大廈入面有間取名「韓讚」的韓國餐廳，瀏覽過網上食評，見評價不俗，菜式大份又抵食，提議一試。餐廳以傳統韓國料理結合悠閒咖啡廳為概念，店內地方頗大，環境不俗，裝修走清新田園風格，用餐區呈長 L 形。細看四周，佈置以簡約自然為主，淺藍色牆身、不規則的地板顏色，配上黃綠色和淺木色椅子，令裝潢顯得愈加年輕時尚、充滿活力。餐牌選擇豐富，除了有烤肉、炸雞、餃子、煎餅、韓式飯卷、鍋物、沙律和湯水等之外，還有任飲任食放題套餐，只須 $238 便可以一次過吃到多款韓國料理，不過如果星期五六日及公眾假期到訪，就要多加 $20/位，另外加 $80 可享用首爾龍蝦鍋、而加 $40 就有韓讚部隊鍋。食放題最划算，一個價錢就可以無限享用，又唔使動腦筋點菜，一於不作他想。至於今次放題的項目就包括有沙律類、烤肉類、韓式美食、韓式主食、韓式湯類和甜品等。另外前菜方面就有芝麻菠菜同韓式泡菜，兩款都可以無限添
小伙子向來勤奮好學，雖然已經踏足社會一段時間，但仍然孜孜不倦，最近又再次拿了獎學金，所以趁 Happy Friday，就一家人外出吃頓飯慶祝。過年前去銅鑼灣渣甸街 Aura On Pennington 食酸菜魚時，留意到大廈入面有間取名「韓讚」的韓國餐廳，瀏覽過網上食評，見評價不俗，菜式大份又抵食，提議一試。
餐廳以傳統韓國料理結合悠閒咖啡廳為概念，店內地方頗大，環境不俗，裝修走清新田園風格，用餐區呈長 L 形。細看四周，佈置以簡約自然為主，淺藍色牆身、不規則的地板顏色，配上黃綠色和淺木色椅子，令裝潢顯得愈加年輕時尚、充滿活力。
餐牌選擇豐富，除了有烤肉、炸雞、餃子、煎餅、韓式飯卷、鍋物、沙律和湯水等之外，還有任飲任食放題套餐，只須 $238 便可以一次過吃到多款韓國料理，不過如果星期五六日及公眾假期到訪，就要多加 $20/位，另外加 $80 可享用首爾龍蝦鍋、而加 $40 就有韓讚部隊鍋。食放題最划算，一個價錢就可以無限享用，又唔使動腦筋點菜，一於不作他想。
至於今次放題的項目就包括有沙律類、烤肉類、韓式美食、韓式主食、韓式湯類和甜品等。另外前菜方面就有芝麻菠菜同韓式泡菜，兩款都可以無限添加。飲品採自助形式，而且選擇亦不少，除了韓國果汁和汽水之外，仲有宋仲基代言的韓國 Hite 啤酒同甚具新鮮感的黑啤酒等供應。
先點客大蝦沙律做前菜，估唔到原來店裡的沙律份量咁大，除了有 4 隻爽口彈牙的大蝦外，還有甜美爆汁的車厘茄，單看賣相已令人喜悅，胃口大開。沙律選用本地種的水耕菜，既新鮮又健康，而胡麻醬亦調較得剛好，酸香開胃。
烤肉類一口氣點了四款，包括有韓風牛肉、韓風雞肉、韓風黑豚肉和韓風牛仔骨。幾款烤肉，整體味道都唔錯，尤其是係黑豚肉，比一般豬肉油脂少，肉質富韌性，入口沒有豬腥味，毋須蘸辣醬吃，已經非常美味。另外牛仔骨亦屬水準之上，不但肉味突出，而且豉油味和甜味亦不會太濃，是個人心水推介。
除了烤肉外，放題項目竟然還有韓風鯖魚，當然不可以錯過。魚身大小適中，份量不多，魚皮燒至金黃色，肉質紮實，入口鹹鮮有至，灑上檸檬汁吃，味道不錯。
韓式美食點了柚子雞翼、韓潮炸雞、韓式雞肉飯卷和紫菜胡麻豆腐。雞翼炸得不錯，不但皮脆肉嫩，而且咬開仍有肉汁，配合甜甜酸酸的柚子醬，既開胃又能消膩。炸雞亦很有水準，外皮夠脆又不油膩，雞肉嫩滑入味，配韓式辣醬吃，香辣惹味。
韓式壽司以紫菜飯卷包裹住雞肉，再配以醃黃瓜、紅蘿蔔、青瓜粒等，口感非常豐富。胡麻豆腐入口微涼，食落又香又滑，伴上面頭香脆的紫菜吃，味道一流！
至於韓式主食、韓式湯類就分別點了韓式炒粉絲和人參雞湯，粉絲加入了洋蔥、椰菜和紅蘿蔔絲同炒，營養挺豐富，加上炒得非常香滑，質地彈牙又唔會過腍，配合面頭的芝麻，更添美味，愛看韓劇的粉絲一定會喜歡。
人參雞湯用料亦絕不欺場，雞肚內塞滿了糯米、紅棗、蒜頭、生薑、人參等，再放進鍋子熬煮，雞肉幼嫩，入口夾雜住人參淡雅嘅香氣。湯底非常清香，完全落無味精，喝起來甘甜順喉。
甜品只有 3 款，點了綠茶雪糕窩夫和雲呢拿雪糕窩夫，兩款雪糕都唔錯，前者嘅綠茶味雖然唔算很濃郁，但入口既滑溜又不會過甜，水準不俗。不過講到最愛，還是旁邊的窩夫，即點即製，不但新鮮熱辣，而且咬下外層香脆，中心煙韌，美味爆燈，難怪小鬼吃完一杯又一杯！
結帳時發現原來消費滿 $500，餐廳會送韓國許願鎖一個，唔怪得剛才見不少情侶喺網架前打卡啦！
Post
