Video
Read full review
2018-07-29
107 views
在芸芸日本小吃當中，皮薄餡靚的煎餃子可說是長年人氣不降的平民美食。早前去灣仔出差，順便喺廈門街「餃餃餃子」吃了頓餃子餐，覺得店裡嘅幾款日式煎餃，都做得好有水準，尤其是餐廳嘅招牌作 Chao Chao 餃子，外皮超薄，豬肉餡味道突出，加上一口一隻，吃起來分外過癮。最近得知餐廳喺鰂魚涌開咗分店，咁近屋企，又點可以唔過嚟幫襯下。據知餐廳係過江龍，源於大阪，1999 年開業，喺日本全國擁有約 40 間分店。店內供應的餃子款式甚多，連餃子皮和餡料都是由日本直送。新店位於芬尼街僑英大廈地下，地點方便就腳，由港鐵鰂魚涌站步行過嚟，只係約 4 分鐘路程。店內地方不大，舖面明顯比灣仔店細小狹窄，幸好揀了個較早時段到訪，店內食客不多，所以坐得尚算舒服。拿起桌上餐牌，餃子款式琳琅滿目，除了有人気 No.1 的 Chao Chao 餃子外，還有定番の餃子、餃子の盛合、創作餃子、特色餃子、小食、烏冬及飲品等。如果唔想散點，亦可以叫餃子套餐，包前菜、餃子同湯烏冬，套餐會送汽水一罐。另外桌上有 3 款餃子沾醬，可以用來配餃子吃，包括有餃子醬汁、辣油、味噌醬汁。天氣熱辣辣，先每人點支日本波子汽水降降溫，有菠蘿味 ($
在芸芸日本小吃當中，皮薄餡靚的煎餃子可說是長年人氣不降的平民美食。早前去灣仔出差，順便喺廈門街「餃餃餃子」吃了頓餃子餐，覺得店裡嘅幾款日式煎餃，都做得好有水準，尤其是餐廳嘅招牌作 Chao Chao 餃子，外皮超薄，豬肉餡味道突出，加上一口一隻，吃起來分外過癮。最近得知餐廳喺鰂魚涌開咗分店，咁近屋企，又點可以唔過嚟幫襯下。
據知餐廳係過江龍，源於大阪，1999 年開業，喺日本全國擁有約 40 間分店。店內供應的餃子款式甚多，連餃子皮和餡料都是由日本直送。新店位於芬尼街僑英大廈地下，地點方便就腳，由港鐵鰂魚涌站步行過嚟，只係約 4 分鐘路程。
店內地方不大，舖面明顯比灣仔店細小狹窄，幸好揀了個較早時段到訪，店內食客不多，所以坐得尚算舒服。
拿起桌上餐牌，餃子款式琳琅滿目，除了有人気 No.1 的 Chao Chao 餃子外，還有定番の餃子、餃子の盛合、創作餃子、特色餃子、小食、烏冬及飲品等。如果唔想散點，亦可以叫餃子套餐，包前菜、餃子同湯烏冬，套餐會送汽水一罐。另外桌上有 3 款餃子沾醬，可以用來配餃子吃，包括有餃子醬汁、辣油、味噌醬汁。
天氣熱辣辣，先每人點支日本波子汽水降降溫，有菠蘿味 ($16) 同原味 ($16) 兩款。個人比較推介菠蘿味，一打開已經聞到淡淡生果香味，飲落唔太甜、生果味很濃，感覺好 fresh，雪凍飲一流。
食物方面，先嚟一客餃子の 4種盛合 ($55)，拼盤有四款餃子，包括 Puri Puri 海老餃子、Mochi Mochi 蘑菇餃子、日本京都九條蔥餃子同椰菜豚肉餃子。Puri Puri 材料很豐富，有蝦肉、筍、魷魚和豬肉，外皮透薄得見到蝦肉色，蘸點紫菜鹽吃，更加鮮味。蘑菇餃子嘅外皮係用秋田米製作，咬下煙韌有米香。京都九條蔥餃子除咗用了京都九條蔥炮製外，還有椰菜、韭菜、洋蔥、生薑、香蒜和豬肉等餡料，惹味又健康。
接著是一客蟹肉海老特長豪華餃子棒 ($42)，餃子外型非常搞鬼，全長有成 18cm，餡料除了鮮蝦、豬肉、魷魚同筍之外，更選用了新鮮鱈場蟹肉入饌，分量十足，咬下不覺油膩又有海蝦的鮮味。
這款是 Shake Shake 餃子 ($42)，Shake Shake 薯條就食得多，Shake Shake 餃子真係第一次品嘗。炸餃有三款調味粉可供選擇，分別是梅子鰹魚味、醬油牛油味和粟米濃湯味，其中粟米濃湯味是香港限定口味。而食法方面就係先將特別口味的調味粉放入紙袋中，然後與餃子 Shake 勻，玩法同 Shake Shake 薯條一樣，非常簡單。選了粟米濃湯味 Shake Shake 粉，味道果然很濃，好似飲緊粟米湯咁，炸餃外皮非常香脆，食落有肉汁。
雞肉芝士餃子 ($42)，餃子一客有 5 隻，可以揀煎或炸，選了後者，入面嘅餡料有香草雞肉同 Mozzarella 芝士。餃子皮經高溫炸過，外形脹卜卜，非常飽滿，食落鬆脆不硬實，加上中間嘅半溶芝士，熱辣得嚟仲可以拉絲，味道與雞肉匹配，吃罷完全不覺膩滯。
呢款係雞翼餃子 ($50)，雞翼餃子的做法殊不簡單，師傅要先將部份雞翼的肉連骨拆走，手勢差點也會把原隻雞中翼弄歪。然後釀入預先炒好的菜肉餃子餡，加入蔬菜增加了爽口的感覺。一啖咬落去，雞翼外皮帶些少甜，餃子則有雞肉的鮮味，雙重口感。
壓尾呢款係 Chao Chao 炸雞 ($25)，價錢勁抵食，一客 4 件，雞件炸粉很薄，表面脆卜卜，食落內裡仍然 juicy 多汁，旁邊的醬汁，味道有點似韓式辣醬，辛辣得嚟又帶點甘甜，唔錯。唯一可惜就係這間新店沒有可當作甜品吃的「朱古力餃子」配雪糕，否則更加完美。
Post
