阿杏飯團 (富華中心商場)

Open Now

Now Closed

荃灣站📍阿杏飯團-呢間飯團想試好耐，經常係Ig被洗版🔥今日做完gym黎個簡單快食🍙新宿燒汁牛扒飯團套餐（$57）飯團熱辣辣即叫即整，紫菜包住紅米飯，配有肉鬆、油炸鬼、蛋絲、菜脯、生菜等配料，兩大片燒汁牛扒，成個口感好豐富🤤牛扒軟腍多汁👍🏻本來以為細細一舊唔算太飽，但其實當一個Lunch都得！加埋嘢飲轉套餐就有85折，我就要左杯黑糖珍珠奶茶。少甜少冰嘅情況下啱啱好，唔會過甜。茶底略嫌淡咗少少🤏，珍珠煙靭。芝士鰻魚飯團套餐（$70）女朋友要咗個邪惡套餐，芝士鰻魚🧀呢個飯團材料比我嗰個更加豐富，有一大片火腿、鰻魚、芝士，配料同我嗰個差唔多，芝士唔係流心個種，係有一片比較完整同厚身嘅芝士片，幾有嚼口，連埋沙律醬，邪惡十足！鰻魚再厚身d更加正，不過成個飯團都爆晒餡，食完真心飽到上心口🤣野飲要左橙意滿滿，少甜少冰，配埋呢個飯團係Perfect match！極清新解渴，食完飯團唔夠5分鐘飲晒😎😛環境方面，荃灣店只提供外賣自取，其他分店有少量堂食企位。整體裝修簡潔，位置十分便利，一出地鐵站就係，難怪有咁多街坊幫襯。