餃嘢 (Closed)

其實餃子真係好好味呀！今次路過發現呢間餃子小店，有多種唔同口味餃子選擇，除左餃子仲有小食，套餐價都幾抵食，全日套餐只係$58，已經包括左餃子、麵、2款小食同飲品！我地就分別叫左湯餃同埋煎餃！湯餃有蕃茄湯同埋關東煮湯選擇，蕃茄湯配餃子唔錯，酸酸甜甜好開胃，餃子粒粒飽滿，皮薄餡靚！要特別一特既係孜然羊肉餃，孜然味好香，羊肉又唔會有勁大羊騷味，配合得啱啱好小食有鵪鶉蛋、雞翼、中華沙律、豬耳等等！鍾意食野多選擇既我表示好滿意而飲品有自家製豆漿同楊梅青檸飲！豆漿味道濃郁，又唔會太甜青檸飲酸酸地夠哂解渴呀