餃嘢 (Closed)

叫個餃子+小食餐頂 一早滷水好既小食20分鐘先黎餃子 35分鐘先到雙併配麻辣湯 清水味加一匙好hea既辣椒油食第一粒 得個皮 🙄食到最後都唔見個餡粒粒餃子都穿皮 入晒湯食唔到餃子原味食到最後一粒 有骨杞子咁大粒既骨冇出聲 因為唔會再黎

叫餃子加烏冬冇比到烏冬都算啦，啲餃子皮仲要全部裂開嘅，全部都皮肉分離，完全唔知自己食緊乜，有分湯都做到咁。。。。唔知講咩好囉，唔建議食。勁差，嘢飲又淡椰奶茶淨係飲到有少少椰味，好似溝水咁

最近想食餃子，打算自己包但係收工趕頭趕命無乜時間有次經過呢邊見到佢出面嘅餐牌好吸引$50幾蚊有個套餐於是乎晚餐就決定食佢嗌咗兩個餐，一個餐有兩份小食（雞翼唔新鮮…..腸夠厚肉幾正）另外就係青瓜，同埋蘿蔔乾芫荽豬肉餃加面，麻辣湯底幾正！餃入面勁多芫荽！我最愛湯底都不錯，但無清湯，只有蕃茄三鮮味呢個係芹菜豬肉餃，呢個係拌嘅花生味（？）忘記裏面就真係好重花生醬嘅味（我都唔順，直頭遮蓋晒本身餃子嘅味道）最後決定想試埋佢哋嘅煎餃 煎+$5呢碟10隻嘅白菜豬肉餃 $50煎真係唔多得，好油，油益味好重，有啲皮仲係生粉（…..）環境都唔錯嘅 靜靜地 夠闊落整體來講，麻麻哋

呢日是但入一間餐廳食見佢$40有下午茶就試下點知伏到喊叫咗一個下午茶餐跟小食B list（$40）要咗白菜豬肉蒸餃+蒜香雞翼蒸餃一睇就知皮厚而且蒸出嚟啲皮冇油亮既感覺餡料偏少雞翼方面，我男人形容為中學小食部雞翼味另外男人叫咗一個全日餐$58多咗一個麵、同一款小食佢要咗豬肉韮菜餃加咗$5要煎餃同樣地都係麻麻地一隻靚餃應該由皮會透出綠色既韮菜但呢隻餃就睇唔到而且咬開發現有啲韮菜已經變黃烏冬都係街市最平個款烏冬所有嘢好似都冇咩誠意最不能接受既係豆漿變壞飲咗一啖覺得有怪味就要求換過枝侍應先話換番一枝今朝新整既豆漿俾我哋變壞咗呢枝有可能係琴晚既...唔好味都算但變壞就真係搞唔掂

天氣涼浸浸🤔好想食d熱野暖下個身經過荃灣香車街街市附近，俾依間鋪頭名吸引左😆一於入去試下好唔好食啦😏😏\\ 手工餃子套餐 // 和朋友點了2個全日餐 $58/個▶️ 10隻豬肉粟米餃(蒸)🥟▶️ 10隻芝士牛肉蘑茹餃(蒸)🥟▶️ 小食：4粒醃漬鵪鶉蛋 + 2隻蒜香雞翼▶️ 小食：中華沙律 + 2隻蒜香雞翼▶️ 飲品：忌廉、桂花烏龍茶蒸餃子🥟方面，以蒸籠方式上菜，餃子皮略厚，2款對比下，豬肉粟米餃較好食，甜粟米再加上鮮嫩豬肉，保留到餡料鮮美和水分，口感較豐富。而另一款芝士味相對較少，味道不算太濃，普普通通。🍴餐廳資訊🍴餃嘢 Dumpling Things地址：荃灣曹公坊25號地舖時間：12:00 - 22:30

唔會再試！餃子皮厚，一上枱就見到煮唔透既皮。諗住照食，點知咬咗一啖，入面啲豬肉仲係粉紅色咬唔爛。同店員講返仲話韭菜通常都熟。阿姐，我同你講緊豬肉唔熟呀！真係食到一肚氣， 唔會再試，各位入店前三思

齋睇餐牌，餃子款式正常，但水餃皮好厚，湯水餃又煮唔熟，嘢食一放上枱，未熟嘅面粉皮清晰可見，隻隻都煮到穿左未食已漏汗，但啲皮都係未熟嘅，基本上唔會再試。但地方尚算乾淨。

經外賣平台叫，都忍唔住喺度留comment ，叫咗一個粟米豬肉，一個白菜豬肉餃，套餐連兩個小食加飲品，結果淨係嚟咗兩個餃子，仲要兩個都黎錯，諗住算數照食。一入口驚為天人，今時今日仲有咁難食嘅餃子，皮厚，空氣多，餡料無味。蕃茄湯底極度難飲，成兜嘢最好食就係嗰粒粟米。結果食咗兩啖成個揼咗。完全超級難食的餃子，完全唔知自己食緊乜，呢一種食物質素簡直遺禍人間，浪費地球資源。今時今日，連灣仔碼頭都唔會難食，超級超級難食，真係浪費食物

希望店家可以更用心去經營，晚飯時段陸續有人流但未到爆場，套餐價格都比較平民，算係唔錯~ 而食物方面真係要再落下功夫。- 叫左2個全日餐, overall 就以下啦煎餃: 羊肉大蔥 x5 (+$10)，蝦滑椰菜魚籽煎餃 x5蒸餃: 牛肉芫茜 x5芝麻拌麵小食: 中華沙律，蒜香雞翼，香脆蘿蔔乾，酸辣鳳爪飲品: 豆漿，桂花烏龍茶 (本身2杯都豆漿, 但真係唔好飲, 另一杯換左茶)- 首先，豆漿真係唔好飲，淡味而杰身，搞下杯野好快又打回原形，比朋友試左啖都表示認同就即刻換左茶，茶都唔錯，桂花味好出~然後餃子方面，煎餃黎唔齊，要問先知原來廚房趺左隻會後上比我...如果可以上菜個時話我知，唔洗我問會更好，之後店家亦後補比左2隻我，有誠意既!- 煎餃似蒸熟左先再煎下個底，唔香唔脆，只係好似做樣上色咁。蒸餃就熟既，每隻都好似開盲盒咁，隻隻都唔同就係無牛肉芫茜，反而出現左係煎餃度。餡就基本好似差唔多味咁，我地每人第一粒都係成粒啪，食左好耐都係憑洋蔥大蔥黑椒去估食緊咩，之後每隻都要咬開一半望下先知係咩餡...不論蒸定煎，都係皮餡分離，個皮好乾硬身，幸好仲有啲肉汁~小食正常，但唔建議叫雞翼。拌麵我無試到就唔

起兩間餃子店入邊揀咗呢一間，絕對係一個錯嘅決定，失策失策。完全唔推介，真係唔使嚟，千祈唔好嚟。.首先講咗最難食嗰樣嘢，就係佢杯豆漿，從來冇飲過咁難飲嘅豆漿。好濃稠但係冇豆味，又勁多沉澱物，飲完都唔知自己飲咗啲咩。.叫咗5隻芫荽牛肉餃，但係最後嚟咗洋蔥黑椒牛肉餃，照食算啦都費事搞咁多嘢。點知係煎餃入邊有1隻，係1隻芫荽牛肉餃，係咩玩法？？？重點係煎餃入邊我哋冇叫呢一款。。。.然後本身係有10隻煎餃，但見到相入邊係得9隻。朋友問職員，佢先後知後覺話原來啱啱煎嘅時候跌咗1隻，而家煎緊補返俾我哋。其實我哋唔講佢應該係唔會發現到，大家食之前真係要數一數清楚。.數量都係其次，重點係個質素甚為惡劣。煎餃就肯定唔係靠煎熟㗎啦，因為唔香唔脆。我哋覺得似煮熟咗，求其用火煎一煎就當係煎餃。可唔可以俾少少誠意？食晒係真係純粹唔想浪費食物，但係浪費咗我胃部嘅空間錯過咗真正嘅美食囉。.其他嗰啲小食更加算吧啦，不值一提。呢間嘢係不可一不可再，唔好再俾啲食評呃咗。

睇到網上有人介紹睇相好似好得就膽粗粗同朋友走去試下，點知中哂伏，未食過咁差既餃子差到無得再差豬肉韭菜煎餃-食落微溫賣相就好似完全無煎過咁零豬肉，饀係百分百韭菜麻辣紅薯粉極之淡味，完全食唔到麻辣豬肉栗米煎餃-食落都係微溫賣相都係一般不過饀方便起碼係有豬肉同栗米小食蒜香雞翼無味凍既肉仲有少少紅要點鼓油食先至有味涼拌青瓜味道只有鹹味menu 寫香脆蘿蔔乾 實質就係麻辣菜脯正常味道無咩特別最正常既唯一就係飲品可樂同桂花烏龍真心唔推介朋友黎

今日晏晝去食 叫咗五隻加個面底 關東煮湯底嚟到五隻有三隻餃子已經穿咗 關東煮竟然一啲味都冇 另外舖頭阿姐好冇禮貌 試過一次唔會返轉頭 仲要58 去食茶記都冇咁嬲吖不可一不可再

其實餃子真係好好味呀！今次路過發現呢間餃子小店，有多種唔同口味餃子選擇，除左餃子仲有小食，套餐價都幾抵食，全日套餐只係$58，已經包括左餃子、麵、2款小食同飲品！我地就分別叫左湯餃同埋煎餃！湯餃有蕃茄湯同埋關東煮湯選擇，蕃茄湯配餃子唔錯，酸酸甜甜好開胃，餃子粒粒飽滿，皮薄餡靚！要特別一特既係孜然羊肉餃，孜然味好香，羊肉又唔會有勁大羊騷味，配合得啱啱好小食有鵪鶉蛋、雞翼、中華沙律、豬耳等等！鍾意食野多選擇既我表示好滿意而飲品有自家製豆漿同楊梅青檸飲！豆漿味道濃郁，又唔會太甜青檸飲酸酸地夠哂解渴呀

同朋友行完 「元荃古道⛰️」，佢帶我嚟呢間手工餃子小店食晚餐，餃子都有多款口味選擇，而且可隨客人喜好選擇以湯、蒸或煎烹調方式。我點咗：🥟豬肉西洋菜$58🌶️小食：韓式泡菜，蒜香雞中翼🥛飲品：豆漿（熱）我選咗用蒸嘅烹調方法，熱辣辣以成個蒸籠盛上，夠晒原汁原味，一客有10隻餃子，西洋菜當造，清甜鮮味。微辣嘅韓式泡菜及蒜香雞中翼都幾惹味。店員說，飲品都係自家製的。杯豆漿都好有豆香味。朋友就選咗：🌿豬肉芫茜$58🌶️小食：韓式泡菜，蒜香雞中翼🥥飲品：生椰奶茶（凍）朋友就選咗清甜嘅三鮮蕃茄湯底，芫茜份量適中與豬肉既甜味互相配合，鮮甜中有著淡淡嘅芫茜清香。植物奶越嚟越流行，小店亦把自家製嘅奶茶以椰奶沖調，香滑中帶點椰香～🥥最後，我想試埋煎餃，再點一客「豬肉韭菜餃$50」一齊share，皮薄，而且餡料亦飽滿，外皮煎得都幾靚仔，幾香口，一咬落去肉汁滿滿。

依家香港開咗好多餃子店，質素越來越高，食得多，難免期望都會高咗。對比起好食嘅餃子，個人認為呢一間比較一般。先講佢嘅賣點餃子，餃子皮薄而煙靭(唔係讚), 皮面平滑唔掛湯/汁，大扣分！至於餃子餡，我叫咗羊肉大蔥和芝士牛肉蘑菇，當你以為兩款都好重味嘅時候，其實兩款都係估唔到咁淡味… 應重味嘅唔重味，大大扣分！另一方面就係雙拼餃子，但都擺喺同一隻碟，令人冇可能分得出係邊一種餃子，實在唔方便。總括嚟講，呢間店我試過一次就夠，冇原因再返去。