Chachawan (荷李活道)

Open Now

Now Closed

實在係好掛住泰國啊，所以去咗上環食泰國菜，食完之後覺得食物都幾有驚喜先講一下甜品部份先，點任何Lunch set都可以加配甜品㗎！因為係add-on 所以份量係較少嘅.Khao Niew Mamuang 泰式芒果糯米飯 係一般食到嘅芒果糯米飯，芒果唔算太甜，如果份量多少少就好喇~Kanom Dtom 泰式椰子湯丸 侍應有提醒一碗只係有兩粒湯丸，但作為兩個人嚐嚐鮮都okay嘅~本身以為只係用甜椰奶作為湯底嘅湯圓，點知原來係甜甜嘅椰子蓉湯圓同埋鹹椰奶底嘅組合，好特別啊！湯圓皮薄煙韌，內餡包住甜絲絲嘅椰子而椰汁湯底帶少少鹹香，整體鹹甜鹹咁~Khao Pad 泰式蟹肉炒飯米飯炒到粒粒分明，蟹肉都幾大粒㗎，而且唔洗點側邊嘅魚露就已經好夠味喇！Gai Yang 泰式香烤雞扒配特製酸辣醬汁(可配泰國茉莉香米或糯米飯) 雞扒經過炭烤之後依然好嫩，點埋酸辣醬配埋糯米飯好好食啊！為咗依件雞扒真係值得再黎多次啊Lunch set 仲包一杯飲品㗎，當然要飲下泰式奶茶先至有埋個泰國魂啊！