Video
Read full review
2022-08-22
1591 views
位於銅鑼灣高級食廈Cubus 的「顏府御膳」，老闆顏先生識飲識食有要求，愛吃粵菜和川菜，於是找來富經驗大廚，炮製新派粵川小菜，以及多款別具特色的點心，今晚我和朋就來品嚐一下餐廳裝修富麗堂皇，高級食府嘅氣派，座位當然係非常寬躺坐得舒服，坐下來點了一壺菊花茶，入口非常清香嘅菊花味，好潤喉，兩小碟有琥珀合桃和瑤柱XO醬，麥芽糖合桃味道微微甜好清脆，瑤柱醬淡淡瑤柱肉少少辣，好惹味😋🐷▪️蒜泥雲片白肉 $ 148醬汁麻麻辣辣配上大量蒜蓉，超級惹味，白肉半肥瘦切成正方形，厚薄適中，一口一件，味道香辣越食越過癮🍆▪️積木茄子 $ 108呢個前菜係每台必點，茄子切成正方長條型，外層炸得好香脆，味道是孜然粉加椒鹽，超級香口，茄子非常入味，食落有點似豆腐，好好食🐠▪️天府酸菜桂花魚 $ 488這裏的酸菜魚亦做得很好，首先飲一口湯夠酸夠麻夠辣，好香嘅花椒味，桂花魚非常大片而且好嫩滑，配菜好多花款，有寬粉，冬粉，千張，酸菜，木耳，芽菜，萵筍，吸收晒酸菜魚湯嘅精華，美味🐽▪️鳳梨咕嚕肉炸雲吞 $ 298非常精緻，底部就係錦鹵雲吞嘅炸雲吞皮，咕嚕肉外皮香脆，肉質爽口，配上新鮮嘅士多啤梨同埋菠蘿，醬汁酸甜味道剛好，附上兩支
位於銅鑼灣高級食廈Cubus 的「顏府御膳」，老闆顏先生識飲識食有要求，愛吃粵菜和川菜，於是找來富經驗大廚，炮製新派粵川小菜，以及多款別具特色的點心，今晚我和朋就來品嚐一下
餐廳裝修富麗堂皇，高級食府嘅氣派，座位當然係非常寬躺坐得舒服，坐下來點了一壺菊花茶，入口非常清香嘅菊花味，好潤喉，兩小碟有琥珀合桃和瑤柱XO醬，麥芽糖合桃味道微微甜好清脆，瑤柱醬淡淡瑤柱肉少少辣，好惹味😋
🐷▪️蒜泥雲片白肉 $ 148
醬汁麻麻辣辣配上大量蒜蓉，超級惹味，白肉半肥瘦切成正方形，厚薄適中，一口一件，味道香辣越食越過癮
🍆▪️積木茄子 $ 108
呢個前菜係每台必點，茄子切成正方長條型，外層炸得好香脆，味道是孜然粉加椒鹽，超級香口，茄子非常入味，食落有點似豆腐，好好食
🐠▪️天府酸菜桂花魚 $ 488
這裏的酸菜魚亦做得很好，首先飲一口湯夠酸夠麻夠辣，好香嘅花椒味，桂花魚非常大片而且好嫩滑，配菜好多花款，有寬粉，冬粉，千張，酸菜，木耳，芽菜，萵筍，吸收晒酸菜魚湯嘅精華，美味
🐽▪️鳳梨咕嚕肉炸雲吞 $ 298
非常精緻，底部就係錦鹵雲吞嘅炸雲吞皮，咕嚕肉外皮香脆，肉質爽口，配上新鮮嘅士多啤梨同埋菠蘿，醬汁酸甜味道剛好，附上兩支玩味十足既唧唧醬汁，當你食炸雲吞皮唔夠醬汁可以添加，非常得意和細心
🥦▪️砂鍋XO醬蝦乾肉碎芥蘭 $ 168
用砂鍋上，好夠鑊氣，芥蘭切成厚片，非常爽脆，蝦乾超級大隻煙煙韌韌蝦味濃郁，好好食，肉碎係手切半肥瘦豬肉，好爽口，所有材料配合XO醬爆炒，好好食
🍯▪️蕃薯芝麻湯圓 $ 68
糖水薑味十足，番薯軟淋糖心，好香甜，湯圓是平時份量兩倍，大大粒，一咬落去超香濃芝麻味，芝麻餡料流心，仍然食到粒粒幼滑芝麻口感，唔太甜
🍯▪️蛋白杏仁茶 $ 68
香滑到不得了，杏仁味道香濃，店員告知是自家磨製杏仁露，怪不得咁香，配合蛋白，微微甜，滋潤又好食
Post
