立鮨 (安富大廈) (Closed)

立食壽司係日本好多，香港比較少。立鮨係係香港少數嘅立食類壽司店。當然為咗就香港人，佢宜家都有高櫈配合一下我哋。入面高壽司吧枱下面有個位置放包包都幾細心。見到有海膽壽司set 就即刻order。包括有海膽赤蝦、海膽帶子、海膽魷魚、海膽火炙左口魚裙邊、海膽蟹肉。件件都好新鮮好味。另外又叫咗set人氣壽司set，有三文魚、赤蝦、帶子、火炙左口魚裙邊、鰻魚、玉子。質素一樣咁高。另外佢哋嘅壽司飯係用赤醋飯，食落酸味唔會咁強烈。另外叫咗兩個迷你丼飯，一個滿滿海膽，另一個就三文魚籽加海膽。鮮味直爆喉嚨。見呢期有生蠔，再追加咗兩隻令和之怪物，成隻手咁大，佢仲加咗啲酸汁啫喱，識落仲甜。