台灣ET鹽水雞

Open Now

Now Closed

轉新工之後唯一好處就係離美食十分近，仲要係出名美食雜中地既葵涌廣場，真係日日放工都心郁郁想食下啲小食先返屋企嫁！今日忍唔住放工都去食一食鹽水雞先，個人覺得呢間最好食最有台灣風味。放工時間黎到，排晒隊嫁！除左主要既雞之外，仲有好多配菜可以揀，青瓜、菇、西蘭花、木耳，樣樣睇落都新鮮，可能因為多人買，流量大，菜都新鮮唔會擺好耐。成件事好簡單，拎張紙剔你想要既餐，雞份量越多越貴，再揀配菜，比錢後會拎到號碼牌，等叫號就得喇。因為仲想食其他野，叫左一人餐雞腿加三款配菜，配菜揀左菇、木耳同青瓜。一人餐無論雞同配菜份量都好多，加埋蔥睇落真係好想要碗白飯黎送呀。雞完全去骨，食落唔洗怕咬到細骨，雞皮同雞肉中間仲有晶瑩剔透既啫喱，食落超嫩滑。揀左小辣同蒜，真係超惹味，辣度適中，適個唔太識得辣但又想食濃味野既人。