Video
Read full review
2019-12-23
960 views
Red Lobster係佢未開張之前, 我已經好想去食! 🤤 今日趁住聖誕前呢D咁開心既日子, 我同同事決定過黎朝聖, 試下呢間聞名以久既美國過江龍! 💪🏻 餐廳外牆以紅, 白色為主調, 正門既左手邊有個大魚缸, 入面養左10幾隻大小不一既龍蝦🦞。一隻隻龍蝦好生猛咁郁黎郁去, 好治癒! 我地大概1點鐘到餐廳, 已經full house。由於我地無事先book定枱, 所以要等一等。但好彩無其他人等緊位, 所以我地只需要等一張枱就入得。店員首先會問你拎電話no., 入得既時候就會打俾你☎️。係等既過程中, 我同同事去左隔離既商店睇左一陣野, 大概10分鐘左右就收到call啦, 都幾快。(溫馨提供, 店員係外國人, 所以要有心理準備需要講英文呀😛)店員安排我地兩個人座一張四人枱, 擺放食物既空間大左之餘, 仲坐得好舒服! 呢度既Lunch Set會包湯, 主菜同埋一杯檸檬茶。主菜既款式頗多, 價錢由$78 至 $188 不等。一場黎到, 我地打算叫兩個有龍蝦元素既Lunch Set, 然後share食👯♀️。於是我地就叫左龍蝦、大蝦手工薄餅, 同埋烤龍蝦丼飯。自家製車打芝士鬆餅呢個鬆餅係跟餐免
我地大概1點鐘到餐廳, 已經full house。由於我地無事先book定枱, 所以要等一等。但好彩無其他人等緊位, 所以我地只需要等一張枱就入得。店員首先會問你拎電話no., 入得既時候就會打俾你☎️。係等既過程中, 我同同事去左隔離既商店睇左一陣野, 大概10分鐘左右就收到call啦, 都幾快。
(溫馨提供, 店員係外國人, 所以要有心理準備需要講英文呀😛)
店員安排我地兩個人座一張四人枱, 擺放食物既空間大左之餘, 仲坐得好舒服! 呢度既Lunch Set會包湯, 主菜同埋一杯檸檬茶。主菜既款式頗多, 價錢由$78 至 $188 不等。一場黎到, 我地打算叫兩個有龍蝦元素既Lunch Set, 然後share食👯♀️。於是我地就叫左龍蝦、大蝦手工薄餅, 同埋烤龍蝦丼飯。
自家製車打芝士鬆餅
自家製車打芝士鬆餅
63 views
0 likes
0 comments
呢個鬆餅係跟餐免費送既, 落完單之後店員就會自動提供, 聽講可以任添🤭。不過我地既然叫左兩個餐, 食完應該會好飽, 所以都係點到即止好了。鬆餅上枱時仍然暖暖的, 仲傳出陣陣芝士同蒜香味。拎上手發現佢都幾輕身, 咬落去非常鬆軟, 唔似平時食開既scone咁重身咁硬淨。老實講, 我第一啖咬落去果時係覺時味道有少少咸, 因為芝士既咸味同埋蒜味一下子湧哂出黎。不過再食落去就開始慢慢食到鬆餅既香味, 越食越香, 越食越好食。😋
南瓜湯
南瓜湯
42 views
0 likes
0 comments
南瓜🎃湯真係一種又健康又好味既食材, 我超中意食! 尤其係佢果種天然既甜味, 真係太吸引了! 呢個湯味道既濃郁又豐富, 飲落去既每一啖都好清甜, 而且質感細滑一應該用濾網濾過好幾次先做到。雖然質感細滑, 但其實湯入面仲有D細細粒既南瓜蓉 (都有少少咬口), 真係超好味! 👍🏻👍🏻👍🏻
龍蝦🦞、大蝦🍤手工薄餅🍕 ($118)
Lobster and Shrimp Flatbread
龍蝦、大蝦手工薄餅
$118
28 views
0 likes
0 comments
龍蝦、大蝦手工薄餅
$118
24 views
0 likes
0 comments
呢個pizza既外觀幾特別, 係呈長形既pizza, 上枱前已預先切開10小塊。先講配料, 佢係由龍蝦🦞, 大蝦🍤, 蕃茄🍅同埋芝士🧀製成, 唔算特別多, 而所有配料係焗之前已經切成粒狀, 所以可以分配到好平均。咬落去係食得出龍蝦好彈牙, 龍蝦既味道幾突出, 只係芝士唔算多, 導致拎上手果下無拉絲既效果。至於餅底方面, 因為做到好薄身, 所以焗完之後幾香脆, 但我略嫌佢有少少太乾身。
烤龍蝦丼飯 ($188)
Lobster Rice Bowl
烤龍蝦丼飯
$188
22 views
0 likes
0 comments
先講下呢個丼飯既主角「烤龍蝦」, 我個人認為龍蝦份量有D少, 有少少對唔住個價錢。不過龍蝦上枱時已經拆好肉, 免去左唔少麻煩, 最岩我呢D中意食到啖啖肉的懶鬼👻。上枱時, 碗入面有一塊檸檬, 食之前我擠左D檸檬汁🍋💦 落去個飯入面, 以提升龍蝦肉既鮮味。
除左主角, 仲有唔少配菜, 包括椰菜花, 西蘭花, 粟米, 南瓜同紅蘿蔔, 每款大概1-2件, 味道正常。反而有少少unexpected既係佢個飯, 因為通常丼飯都係指白飯🍚或者日本醋飯, 但呢個烤龍蝦丼飯用既竟然係用左近幾年大受健康人士歡迎既藜麥！其實間唔時我都會係屋企煮黎食, 因為佢係超級食物, 唔單止可以能夠提供大量纖維, 仲含有豐富礦物質, 而且最重要係低脂, 低熱量, 低糖! 岩哂我呢D成日都想減肥既人食! 🙆🏻♀️
飯入面主要有黑, 紅同埋白藜麥，其中黑色及紅色既籽粒比較細小, 咬落去都有D韌度, 幾有口感, 但要咀嚼耐少少。白藜麥既味道就比較重, 唔知形容得準唔準確, 我覺得有少少似粟米鬚既味道, 都幾特別。
檸檬茶
凍檸檬茶
19 views
0 likes
0 comments
跟餐送既, 可以揀熱飲或凍飲, 而我同同事都揀左凍😂。本身上枱時既檸茶無加糖, 但就跟埋一小杯糖漿, 如果需要加可以自己黎, 自己調味😀
最後，店員服務態度真係幾好, 個個都面帶笑容, 而且好有禮貌! 呢度無收加一服務費, 同埋可以簽卡👍🏻 下次會約埋朋友再黎食其他龍蝦餐🤤🤤🤤
Post
