Fari-Beurre (Closed)

今日係肥柑子既大食日，食左好多餐都仲未飽，同柑太係康怡行街，已經食過晚飯，仍有點餓意，於是就再Fari-Beurre買了一個水果撻再添食。呢間Fari-Beurre，其實係Italian Tomato加強版，而呢個加強版真係好強，係凍櫃外一望，仲以為自己已經身處東京的甜品店，在柔和的燈光配合下，每個水果撻都像坐飛機空運而來的日本貨一般。在花多眼亂的情況下，買了一個士多啤梨撻，而打開包裝下發覺，外觀真的非常漂亮，撻上的士多啤梨亦非常鮮甜，下層是綠茶蛋糕，不過並非濃濃的宇治，反而是帶點清新的淡淡茶香，在口內並沒有令水果的味道變淡，反而有一種相扶相乘的作用。不過撻皮卻做得非常堅硬，連店內提供的膠叉也無法將它弄開，只好先吃頂層的水果，再吃完中間的蛋糕，最後才拿起餅底慢慢享用。