La Kaffa (Closed)

今日放工後，去咗第一城搵嘢食，見到有間Cafe望落好似幾唔錯，就同男朋友坐低左。環境相當開揚，採用落地大玻璃設計，另外喺cafe出面、商場中心有更多座位。男朋友點左份「頂級安格斯煙肉牛肉蘑菇漢堡」，估唔到份量都幾足夠，有炸薯角、沙律，仲跟一碗餐湯，男朋友話食得飽佢喎！我點嘅係全店最豐富嘅全日早餐，有特濃班尼迪蛋、法蘭克福腸、辣味香腸、紐倫堡腸、牛仔腸、脆香煙肉、脆薯餅、炒蘑菇、粟米粒，每樣仲要打孖上，相當豐富！餐湯係南瓜紅蘿蔔忌廉湯，做得幾出色，南瓜味好出。最令人驚喜嘅係個草莓沙冰，草莓味好濃，甜度恰到好處，好好飲啊！下次有機會再嚟，一定會試吓佢嘅意粉同埋冬日煲飯，價錢又唔貴，成日嚟都得啦！