Cafe Hillywood (Closed)

同男朋友慶祝生日。簡左呢間評價唔錯既cafe! 黎左果然冇太令我失望！首先其實有d難搵! 所以大家第一次黎記得Google 下地方先！因為我一開始行錯左要再Google 下先搵到！環境好乾淨！個裝修都幾特別！同埋位同位之間都格好開。唔會好逼！我地叫左3樣野食！叫左個牛油果沙拉！D火箭菜好新鮮！番茄好甜！牛油果簡直係我既最愛！水牛芝士一粒粒好得意又好味。我自己切開左細細粒易入口d! 唯一缺點就係汁唔太夠。但係食太多汁會肥。所以我地都冇叫佢再加！個沙拉比8分！之後叫左個龍蝦汁意大利飯！好足料！啖啖小龍蝦既肉！味道都好鮮味！飯既口感岩岩好！有咬口唔會太淋！值得推薦！我會比佢9分！最後叫左一個牛扒！7成熟！岩岩好帶紅但冇血！岩曬我既心水！唔會太硬！好香！薯仔炸得好脆好香！我清曬d薯條！留返塊扒比我男朋友慢慢食～牛扒都比8分！我叫左杯士多啤黎梳打！佢話咁岩冇薄荷葉！但我都冇咩問題！有冇都唔係差咁遠o者～完飽飽就賣單Lu!! 好開心既birthday dinner~買單total 571蚊！價錢都差唔多係咁樣啦！