Video
Read full review
2018-07-14
1656 views
近排香港掀起一股烤鴨熱，有多家新的烤鴨專門店陸續登場，情況熱鬧。其實筆者也十分愛吃烤鴨，尤其是酥脆嘅鴨皮，入口帶著濃厚的油香，配微脆煙韌嘅荷葉餅、大蔥和青瓜條等一起品嘗，令人吃得津津有味。記得之前曾到訪過赤柱一間以烤鴨及皮諾葡萄酒做主題嘅中菜館「Pinot Duck」，食物做得很有水準，由前菜、小吃、主菜、以至甜品等，都令人印象深刻。最近從網頁得知餐廳喺灣仔開咗分店，除了有招牌菜北京片皮鴨外，仲有多款以不同部位鴨肉來炮製嘅菜式，創意十足，趁 7 月有兩位好友生日，今次就一於由我提議，同兩位壽星女嚟呢度慶祝！新店位於灣仔聯發街 18 號，門面佈置得甚有格調，氣派十足，門外設有矮櫈供客人作等候或休憩之用。踏進店內，座位以一字形排開，地方頗大，寬敞闊落，裝潢糅合了中西方的特色，既摩登又帶點古雅，牆壁配有山水畫作，充滿詩情畫意，讓人神清氣爽。安坐後先翻開餐牌，食物雖然大部分都仍然是以鴨為主，但係就多咗唔少新菜式，如迷你鴨漢堡、川辣烤鴨胸、香酥陳醋鴨腿等。如果唔想齋食鴨嘅話，其實菜牌上亦有慢煮西班牙黑毛豬五花肉、黑松露野菌烤走地雞、煎封鱈魚配豆奶芫茜花椒汁等可供選擇。馬上開餐，先來一客開胃頭盤蜜
記得之前曾到訪過赤柱一間以烤鴨及皮諾葡萄酒做主題嘅中菜館「Pinot Duck」，食物做得很有水準，由前菜、小吃、主菜、以至甜品等，都令人印象深刻。最近從網頁得知餐廳喺灣仔開咗分店，除了有招牌菜北京片皮鴨外，仲有多款以不同部位鴨肉來炮製嘅菜式，創意十足，趁 7 月有兩位好友生日，今次就一於由我提議，同兩位壽星女嚟呢度慶祝！
新店位於灣仔聯發街 18 號，門面佈置得甚有格調，氣派十足，門外設有矮櫈供客人作等候或休憩之用。踏進店內，座位以一字形排開，地方頗大，寬敞闊落，裝潢糅合了中西方的特色，既摩登又帶點古雅，牆壁配有山水畫作，充滿詩情畫意，讓人神清氣爽。
安坐後先翻開餐牌，食物雖然大部分都仍然是以鴨為主，但係就多咗唔少新菜式，如迷你鴨漢堡、川辣烤鴨胸、香酥陳醋鴨腿等。如果唔想齋食鴨嘅話，其實菜牌上亦有慢煮西班牙黑毛豬五花肉、黑松露野菌烤走地雞、煎封鱈魚配豆奶芫茜花椒汁等可供選擇。
馬上開餐，先來一客開胃頭盤蜜餞南瓜做前菜，南瓜切成小方丁，一口大小，上桌時呈鮮橙色，入口有脆感，味道甜甜酸酸，能吃到南瓜的天然甜味。
接著是一客迷你鴨漢堡，牛肉漢堡就食得多，不過用鴨髀肉嚟做餡料就真係第一次品嘗，據說鴨髀要先以鴨油慢煮，然後免治成餡料，再配搭煎鴨肝及醃子薑。麵包雖屬迷你版本，但食落比一般漢堡包濕潤，入口外皮脆內軟熟；免治鴨髀肉吃起來又香又多汁，煎鴨肝甘香豐腴，加上可中和膩感的醃子薑，簡直是完美配搭。
之後是一客香酥陳醋鴨腿，據說鴨腿是由法國直送，慢煮過後先焗後煎，以保持肉質幼嫩。鴨腿原隻上桌，連皮帶肉，賣相美觀。切開嘗一口，外皮略脆，鴨肉嫩滑甘香，與伴碟嘅小洋蔥十分合襯，再配埋以荔枝果肉、山楂及四川辣椒烹調而成的醬汁吃，酸甜中又帶點微辣，惹味非常，屬驚喜之作。
接著當然是輪到吃北京片皮鴨，點了半隻，據說餐廳所用的鴨子，是美國四代鴨農 Maple Leaf Farms 嘅出品，鴨子去除內臟後要先醃足 24 小時，然後再風乾 24 小時，接著塗上麥芽糖風乾 6 小時，最後放入爐內以中火燒，過程絕不簡單。片皮鴨上桌時會附有自家製的薄餅皮及蒜蓉、炸蒜、京蔥絲、青瓜條、甜麵醬等，客人大可隨意配搭。片皮鴨切得大小均勻，厚薄一致，有皮也有肉，食落皮脆肉嫩，帶油脂香又不會覺得太膩滯，跟青瓜條用餅皮包著食，滋味甚佳。
之後是一客北京鴨肉湯餃子，餃子做法有點似意大利雲吞，大廚先把鴨肉切成肉碎，再加入蕃茄及薯仔做餡料。餃子皮咬下透薄而不散爛，有韌度卻又不硬實，食落鴨味唔算太重，無鴨腥味，既順滑又易入口，用來配餃子湯吃，清甜味美。
壓尾是一客臘肉櫻花蝦薑汁芥蘭苗，芥蘭苗色澤翠綠，只消用油鹽水煸炒幾下已經非常味美，既清甜又爽口，更何況這碟菜加入咗咁多配料，味道自然更上一層樓。
甜品方面，貴精不貴多，只有五款可供選擇，揀了其中三款，先來嘅炸杏仁脆奶，外形有點似大良炸鮮奶，形狀如金磚，外皮食落非常香脆，原來據說是因為脆漿加入了啤酒，唔怪得咁鬆脆，而入面嘅杏仁奶亦滑膩柔美，伴以新鮮熱情果，提味添香，令人一吃難忘。
至於另外兩款甜品就揀咗杞子酒糟燉天津梨同陳皮焦糖燉蛋，原個天津鴨梨以杞子、桂圓、酒糟慢火燉煮，梨肉入口有濃郁的酒香，甜在心又潤在肺，滋潤效果爆燈。接著是陳皮焦糖燉蛋，焦糖燉蛋相信大家一定食唔少，不過這客 crème brûlée 就比較特別，用上甘香而潤喉的陳皮絲及鴨蛋製作，兩款食材完全無違和感，加上以鮮橙及龍珠果作裝飾，充滿美感，入口味道清新，鍾意食焦糖燉蛋嘅朋友必定會一試愛上。能夠同一班好友相敍，天南地北，吃吃喝喝，簡直是人生一大樂事，在此再祝願兩位美女，生日快樂，永遠幸福，笑口常開！
Post
