新大利粉麵茶餐廳

Open Now

Now Closed

好耐無星期六咁早起身，而媽媽又得閒，所以就決定落街食早餐。平時都係食麥皮，但媽媽竟然叫我去新大利食，真驚奇，佢一向唔buy茶記。新大利最多人叫嘅係沙爹牛肉麵，公主我必叫，最緊要係配太陽蛋。麵係公仔麵，好有茶記feel。牛肉係普通料，而沙爹汁唔辣偏甜係佢嘅特色，細細個開始食到依家，味道依然無變。另外佢用嘅蛋好夠味：蛋黃味好香濃，公主我會用嚟撈麵食，非常香；蛋白煎到個邊好香脆，食落好蛋白質味。咁多年嚟佢都無裝修過，企收銀嘅大叔依然中氣十足，「領導」班樓面所以啲阿姐落單送餐執嘢速度超快。公主我每次嚟食都好滿足，新大利嘅環境、大叔、食物味道都令我想起已在天上嘅親人，佢以前帶我去食早餐必嚟呢度，所以去新大利食嘢對公主我有好特別嘅意義。希望新大利繼續為沙田友帶嚟想當年回憶中嘅味道。