大灣咖啡廳

Open Now

Now Closed

6月尾嘅星期日朋友仔請我哋食自助午餐，真係好開心又感恩。呢間都食過4，5次，午市晚市都食過，拎食物嘅地方好大，不過款式唔太吸引，海鮮種類較少，午市只係有蝦，青口，貝殼類，沒有蠔。刺身就有三文魚，吞拿魚，劍魚等。沙津是比較多種類，有生菜，青瓜，粟米等普遍蔬菜類，各種沙律醬，也有已經混好的各式沙津，例如泰式沙律，西式沙律，如薯仔沙律，青木瓜沙律。熟食種類也比較多喇，尤其西式種類。有切牛肉，烤各種肉類，魚，青口等，也有即時做的韓式煱麵，其實有幾多人會去自助餐叫碗即食麵㗎⋯⋯呢個款式擺咗係自助餐好多年，佢哋真係考慮下轉其他，或者加入其他元素在其中，例如加入海鮮，人參雞湯，韓式牛肋骨。不過食物沒有什麼亮點⋯⋯也是有中式熟食，點心，炒粉炒麵，自選嘅湯粉麵，味道係幾好嘅。甜品和雪糕就種類最多最豐富啦，甜品好多都係切蛋糕款式，雪糕也有8款可以揀，如果係.鐘意食甜品嘅，呢間自助餐廳幾適合你。餐廳環境都係好，窗外望見維港景色，也可以行出露台影吓相，睇風景。