Le Pain Quotidien (Closed)

星期六嚟到灣仔食嗰brunch，行到去利東街頭見到哩間餐廳，呢間餐廳有分indoor outdoor既位置，感覺好似好寫意。見到好多人帶埋狗仔座係outdoor，一於就揀呢間食brunch😍😍😍😍不過得番indoor位置，outdoor要等😜😜😜我同朋友分別嗌咗牛油果雞肉沙律同埋菠菜芝士奄列，仲有比利時朱古力同埋一杯lattes !!個牛油果沙律好大碟，好足料好多雞肉呀，啲沙律汁好開胃，同啲雞肉好夾，真係好大碟囉，我同朋友食極都食唔完😋😋😋至於個羊奶芝士菠菜奄列so far so good..羊奶芝士係我鍾意食嘅芝士黎既，配上菠菜其實都幾夾，不過呢個奄列整得太油，同埋過左火喉！至於兩杯嘢飲係幾好飲嘅，我同朋友都帶咗最大杯嘅size，呢度啲杯好得意，無耳仔既，好似隻碗咁拎黎飲🤗🤗🤗整體呢度感覺環境好舒服，好啱同朋友傾計。