十三么

Open Now

Now Closed

十三么在美孚已經開了一段時間。 今日有時間，落去支持下。店舖位於一條商場小巷內，十二點落到去，已經排曬隊。 幸好隔離車輪餅小姐的熱潮稍為減退，如果唔係兩條隊就可以打爆條巷。35蚊有三個餸，仲有幾塊生菜畀你，其實真係好抵食。今日叫咗牛筋、豬腸、同埋雞腎幼麵，加辣汁真係好味道不得了。先講牛筋，每條都係好完整嘅一條，唔似有啲舖頭碎上，夾都夾唔到。而且炆得恰到好處，唔太淋又唔太硬，非常有咬口。豬腸就每條都係好厚身，而且沖洗得好乾淨， 完全冇肥膏同埋啲騷味。雞腎就大大塊，有成塊叉燒咁大，食落口完全唔覺得硬。返到屋企再開罐 Coke Zero 配呢個好味車仔麵，正呀!