Video
Read full review
2018-09-28
54 views
星期六下午去Happyland，童年回憶即刻返晒嚟呀！一入門口就有隻肥貓店長歡迎我哋，又可愛又玩得，心都融化了！仲有另一隻貓就Cool啲，成日掛住瞓！哈哈！環境亦都好舒服，燈光好柔和，裝飾好靚，尤其係啲玫瑰花，成間餐廳好似有屋企嘅感覺！我同個朋友試咗少女風下午茶套餐，成個Set用咗好多美少女戰士嘅裝飾，啲曲奇餅靚到唔捨得食呀！套餐裡面有好多唔同嘅食物，特別推介黑松露雞肉三文治，仲有芝士焗有機鮮菇，真係好香好惹味！套餐跟兩杯嘢飲，我點咗榛子朱古力，都幾好飲。朋友就點咗個朱古力奇冰，好大杯啊！呢度除咗食嘢同玩貓之外，仲有好多Board games，好適合兩個至一大班朋友上嚟呢度團聚同消磨時間，最令我驚喜嘅係竟然有四連環玩！我小學成日玩！最後值得一讚嘅係呢度嘅侍應同老闆好Nice，令我呢個週末下午過得好開心！
星期六下午去Happyland，童年回憶即刻返晒嚟呀！一入門口就有隻肥貓店長歡迎我哋，又可愛又玩得，心都融化了！仲有另一隻貓就Cool啲，成日掛住瞓！哈哈！
環境亦都好舒服，燈光好柔和，裝飾好靚，尤其係啲玫瑰花，成間餐廳好似有屋企嘅感覺！
我同個朋友試咗少女風下午茶套餐，成個Set用咗好多美少女戰士嘅裝飾，啲曲奇餅靚到唔捨得食呀！套餐裡面有好多唔同嘅食物，特別推介黑松露雞肉三文治，仲有芝士焗有機鮮菇，真係好香好惹味！
套餐跟兩杯嘢飲，我點咗榛子朱古力，都幾好飲。朋友就點咗個朱古力奇冰，好大杯啊！
呢度除咗食嘢同玩貓之外，仲有好多Board games，好適合兩個至一大班朋友上嚟呢度團聚同消磨時間，最令我驚喜嘅係竟然有四連環玩！我小學成日玩！最後值得一讚嘅係呢度嘅侍應同老闆好Nice，令我呢個週末下午過得好開心！
Post
