Video
Read full review
2018-04-28
1197 views
約左多年冇見的舊同學聚舊，為表隆重，我搵左間高級的扒房，之前食過牛扒掂的，絕無失禮。平日晚市大半場 full, 餐廳環境如舊的好，全場最矚目的都應該係呢個 Manhattan 夜景，真係好靚好有 feel 呀！坐低 settle down 好，呢個時候侍應提議我叫飲品先，邊飲邊慢慢硏究食乜好。我地叫左 smoothies, 一杯叫Strawberry Kiss $48，另一杯係Mango Daiquiri $48。兩杯都好吸引，自然又係各自要post 一輪相先。望望餐牌，種類好多，尤其頭盤選擇都不少。來到美式餐廳，當然就唔放過美國小食啦！我地叫左，水牛城脆辣雞翼 （半份）48。呢味正！夠辣夠多汁，雞翼又入味又大隻。食完一隻忍唔住再食多隻，早知叫全份啦⋯⋯伴碟仲有不少西芹條同埋白色 cream source ，好正宗呀！係我食過最好味的 buffalo wings ，沒有之一。美式焗薯皮$48， 亦係另一款我喜歡的美式小食。佢製法都算正宗，配料份量亦多，可惜焗得太硬了 ，可能overcook 左。但佢個白色cream 醬冇得輸，清曬！除咗美式小食我哋做order咗個沙律，係鮮蝦芒果牛油果
平日晚市大半場 full, 餐廳環境如舊的好，全場最矚目的都應該係呢個 Manhattan 夜景，真係好靚好有 feel 呀！
坐低 settle down 好，呢個時候侍應提議我叫飲品先，邊飲邊慢慢硏究食乜好。我地叫左 smoothies, 一杯叫Strawberry Kiss $48，另一杯係Mango Daiquiri $48。
兩杯都好吸引，自然又係各自要post 一輪相先。
Mango Daiquiri
14 views
0 likes
0 comments
Strawberry Kiss
$48
12 views
0 likes
0 comments
我地叫左，水牛城脆辣雞翼 （半份）48。
呢味正！夠辣夠多汁，雞翼又入味又大隻。食完一隻忍唔住再食多隻，早知叫全份啦⋯⋯伴碟仲有不少西芹條同埋白色 cream source ，好正宗呀！係我食過最好味的 buffalo wings ，沒有之一。
水牛城脆辣雞翼
$48
17 views
0 likes
0 comments
美式焗薯皮$48， 亦係另一款我喜歡的美式小食。佢製法都算正宗，配料份量亦多，可惜焗得太硬了 ，可能overcook 左。但佢個白色cream 醬冇得輸，清曬！
除咗美式小食我哋做order咗個沙律，係鮮蝦芒果牛油果沙律 $128，好大份呀！沙律配料好多，五顏六色賞心悅目，仲要全部都係新鮮靚料。真係食沙律都可以食到飽，大滿足！
鮮蝦芒果牛油果沙律
$128
13 views
0 likes
0 comments
貪心的人，叫咗第四個頭盤，香蒜白酒煮青口 $158。係鑊仔上的，數量都算多，而且夠大隻。但係上面鋪滿左洋蔥絲同埋青椒絲，感覺有啲似中式炒青口，同想像有D出入。呢個味道一般啫。
Order主菜了，專登約佢來鋸扒，當然為了靚牛。但原來舊同學唔食牛，有點唔好意思，事隔多年，我竟然唔記得呢件事......唔緊要啦，咁我地今晩一於鋸羊啦！
我地叫左澳洲草飼羊扒（三件）$258，一上枱已經香氣四溢，未食都知有料到！羊扒肥瘦均勻，每件都燒到好香，仲見到羊扒表面一條條清晰的烙印，好sharp 喎！配上旁邊嘅特製燒汁，食落一D都唔羶亦唔韌。一向怕羶的我都食到好滋味，難得難得！
澳洲草飼羊扒
$258
31 views
0 likes
0 comments
羊扒旁邊的配菜粒粒相信亦好有炭燒風味。我地仲加左蒜蓉菠菜 $38，同羊扒好夾，好味！
跟羊扒仲有薯條，是另上的，唔算香脆，亦可能太飽了，只食左幾條。
最後是甜品時間，我地叫左雜果拿破崙$62 同法式焦糖布甸$56 一齊 share 。 拿破崙有三層，拆開睇睇雜果真不少，粒粒鮮果好均勻，仲排列得好有規律，睇得出花左唔少心思，抵讚！
雜果拿破崙
$62
20 views
0 likes
0 comments
雜果拿破崙
$62
27 views
0 likes
0 comments
法式焦糖布甸就比較單調左D，我 expect 佢會响旁邊有多D點綴，或者豪一球雪糕比我，可惜佢冇。但焦糖布甸味道係好 ok 的，同埋已經很飽，單薄D都好，唔使浪費。
佢既菜式大多是逐碟逐碟上，今餐我哋食足三個鐘，夠晒時間俾我地講完前世再講今生。加上餐廳咁relax 既環境，如果唔係第二朝一早要返大陸，我地應該會飲返兩杯盡情傾喇！
Post
