Video
Read full review
2014-08-16
1012 views
又試一新店，今次係泰國嘢 — at Grand Avenue at 荃新天地.今日做完產檢，行去搵野食啦又，眼見荃新天地多左好多新食店，又好多不同選擇，係心大心細之下，我地選擇左Grand Avenue，揀佢全因為佢個名咋，因好有親切感！其實呢間野個名雖然好美式，但卻係食泰國野，裝修都好工業feel！坐位算闊落，空間感十足。剛巧係tea time時間，由2點開始就可以order，選擇有泰式飯同麵，亦有美式同港式既茶餐。美式hotdog同薯條餐:包身軟熟，唔會硬身，口感易食不錯，香腸係一般貨色，無特別，但一個女仕食完都會夠飽的。薯條有點油，而且短而有點碎，所以食完成個餐感覺都有點滯！海南雞飯:其實同lunch差唔多價錢，但lunch就多左個湯。飯本身係長身飯，乾爽而入味，反而雞就一般無太特別，不太入味，好彩雞皮算薄身，唔係用肥雞，份量如果以tea set黎講，只算頂肚！
今日做完產檢，行去搵野食啦又，眼見荃新天地多左好多新食店，又好多不同選擇，係心大心細之下，我地選擇左Grand Avenue，揀佢全因為佢個名咋，因好有親切感！
其實呢間野個名雖然好美式，但卻係食泰國野，裝修都好工業feel！坐位算闊落，空間感十足。
剛巧係tea time時間，由2點開始就可以order，選擇有泰式飯同麵，亦有美式同港式既茶餐。
美式hotdog同薯條餐:
包身軟熟，唔會硬身，口感易食不錯，香腸係一般貨色，無特別，但一個女仕食完都會夠飽的。薯條有點油，而且短而有點碎，所以食完成個餐感覺都有點滯！
海南雞飯:其實同lunch差唔多價錢，但lunch就多左個湯。飯本身係長身飯，乾爽而入味，反而雞就一般無太特別，不太入味，好彩雞皮算薄身，唔係用肥雞，份量如果以tea set黎講，只算頂肚！
Other Info. :
可以加錢轉泰式飲品同泰式奶茶，老公轉左做泰式奶茶，茶味濃，都香滑，但凍飲卻是用熱飲杯上，有點不夠喉！另外，叫左2次先有杯清水到口，唔知係唔夠人手定聽完就算呢?
(The above review is the personal opinion of a user which does not represent OpenRice's point of view.)
Post
