Video
Read full review
2024-01-28
17 views
作為人氣甜品店Heyspnuts同手工啤酒店Once You Go Craft合作嘅Cafe，提供多款fusion料理，門面用上美式工業設計，以鮮艷明亮嘅橙色🟠作為主要色調，夠晒sharp醒！菜式選擇好多，主食都有輕食、意粉、意大利飯、漢堡同鹹食嘅窩夫，配搭都幾特別，唔會獨沽一味，另外佢甜品Menu都有超多選擇，完全滿足到女仔嘅第二個胃🤰！-——————————————🍝◖龍蝦喇沙汁魷魚意粉◗ $148意粉口感唔錯，軟硬適中頗有咬口，用上龍蝦喇沙汁，食到淡淡嘅鮮味同花生味，幾香！意粉有唔少魷魚圈，加上秋葵同三色椒去煮，醬汁唔算太黏稠，成個意粉食完都唔會覺得好膩！🐖◖慢煮手撕豬腩肉窩夫配田園沙律◗ $118你同除咗有甜食嘅窩夫，仲有鹹食可以選擇！呢度份量有半份窩夫，舖上慢煮手撕豬，再加上芝士同蕃茄、生菜，一絲絲嘅肉感，夾住香脆嘅窩夫一齊食，一啲違和感都冇！🥞◖梳乎里班㦸配伯爵茶醬◗ $98有兩大件動L嘅梳乎厘，中間放上伯爵茶忌廉，唔會太甜充滿茶香～梳乎厘富有空氣感，裏面軟綿綿咁，有種入口即溶嘅感覺，特別好食！☕️◖黑糖焙茶◗ $45一飲落去先聞到黑糖嘅香氣，飲落微甜，同焙茶配合得幾好，會飲
-——————————————
🍝◖龍蝦喇沙汁魷魚意粉◗ $148
意粉口感唔錯，軟硬適中頗有咬口，用上龍蝦喇沙汁，食到淡淡嘅鮮味同花生味，幾香！意粉有唔少魷魚圈，加上秋葵同三色椒去煮，醬汁唔算太黏稠，成個意粉食完都唔會覺得好膩！
🐖◖慢煮手撕豬腩肉窩夫配田園沙律◗ $118
你同除咗有甜食嘅窩夫，仲有鹹食可以選擇！呢度份量有半份窩夫，舖上慢煮手撕豬，再加上芝士同蕃茄、生菜，一絲絲嘅肉感，夾住香脆嘅窩夫一齊食，一啲違和感都冇！
🥞◖梳乎里班㦸配伯爵茶醬◗ $98
有兩大件動L嘅梳乎厘，中間放上伯爵茶忌廉，唔會太甜充滿茶香～梳乎厘富有空氣感，裏面軟綿綿咁，有種入口即溶嘅感覺，特別好食！
☕️◖黑糖焙茶◗ $45
一飲落去先聞到黑糖嘅香氣，飲落微甜，同焙茶配合得幾好，會飲到一粒粒嘅焙茶粉末，整體都唔錯～
🫖◖玫瑰水蜜桃熱果茶◗ $42
呢個果茶充滿玫瑰香氣，飲落酸味味咁，幾開胃
🌟Encore指數：8.9/10
Post
