Hunger Burger

Open Now

Now Closed

西九龍food court 相信大家都唔陌生，相食咩菜式都好易搵到，而今日想食美國style ，行過見到個招牌就比佢吸引左。睇到佢個menu都幾舒服，唔會話好亂，同埋選擇都幾多元化去親burger 都係牛肉為主芝士為主，而呢間店親照顧到唔同需要既客人，你中意牛有牛，你中意芝士既比埋個芝士瀑布你試，唔中意牛又有魚柳比你揀，唔中意魚柳又有雞比你揀，選擇都多。最後今日揀左個南亞風香是拉差醬雞堡，漢堡包加塊大啡菇又係好match，所以Add on 加左個大啡菇，價錢+$18。包皮烘過加分，是拉差醬幾特別，配雞個味好岩，所以整體黎講個包係好食既。叫完包包想叫多個小食，決定嗌個香辣雞翼（6隻），佢係原隻雞中翼黎，一隻就真係一隻，而唔係其他既半隻當一隻咁衰。雞中翼勁香，勁juicy，但大隻啲就更完美了。