Video
Read full review
2024-11-02
719 views
位於中環的New York Cut，主打食高質牛扒，環境又得體，係約會最佳既地去，開左短短一年就已經大獲好評！任食係Weekend Menu先有，Brunch 包左前菜、牛扒、意粉、薯條，$388加一，雖然得牛扒係任食既，但呢個價錢真係性價比超高，食兩塊都已經勁抵😛前菜有得揀龍蝦湯或者牛肉他他，我哋兩款都試左，龍蝦湯好濃郁，係無咩忌廉感，係實實在在龍蝦味，仲要有好多龍蝦肉，好真材實料🧡牛肉他他都唔錯，最緊要係個調味，唔會好鹹，食到牛味，仲有少少酸瓜，口感好好。主菜方面牛扒係NEW YORK STRIP，即係sirloin西冷部位，比較厚身，但生熟度都拿捏得好好，切開中間好粉嫩，肉質柔軟得來又帶啲口感，燒汁都幾惹味，亦都唔會遮咗牛扒既牛味。配搭蕃茄Penne，帶點微辣/蒜香味的意大利麵。最後仲有甜品，芝士蛋糕配雪糕，雖然係配角，但質素都唔錯👍🏻芝士味香濃🧀不過成個餐有齊前菜、甜品真係好抵食！食牛扒始終要加番杯酒嘅！可以加錢有指定紅白酒free flow +$128 (CHIARO PROSECCO N.V. / WAKEFIELD MERLOT 2023 / WAKEFIELD SAUV
位於中環的New York Cut，主打食高質牛扒，環境又得體，係約會最佳既地去，開左短短一年就已經大獲好評！
任食係Weekend Menu先有，Brunch 包左前菜、牛扒、意粉、薯條，$388加一，雖然得牛扒係任食既，但呢個價錢真係性價比超高，食兩塊都已經勁抵😛
前菜有得揀龍蝦湯或者牛肉他他，我哋兩款都試左，龍蝦湯好濃郁，係無咩忌廉感，係實實在在龍蝦味，仲要有好多龍蝦肉，好真材實料🧡
牛肉他他都唔錯，最緊要係個調味，唔會好鹹，食到牛味，仲有少少酸瓜，口感好好。
主菜方面牛扒係NEW YORK STRIP，即係sirloin西冷部位，比較厚身，但生熟度都拿捏得好好，切開中間好粉嫩，肉質柔軟得來又帶啲口感，燒汁都幾惹味，亦都唔會遮咗牛扒既牛味。
配搭蕃茄Penne，帶點微辣/蒜香味的意大利麵。
最後仲有甜品，芝士蛋糕配雪糕，雖然係配角，但質素都唔錯👍🏻芝士味香濃🧀
不過成個餐有齊前菜、甜品真係好抵食！食牛扒始終要加番杯酒嘅！可以加錢有指定紅白酒free flow +$128 (CHIARO PROSECCO N.V. / WAKEFIELD MERLOT 2023 / WAKEFIELD SAUVIGNON BLANC 2023) 🥂📍#NewYorkCut (#中環美食)
#中環 皇后大道中80號H Queen’s 2樓
Post
