Video
Read full review
2009-01-08
13 views
多年前去美國旅行，成家人 Share 一個一呎長既包，非常滋味。直到 Subway 進軍香港咁耐，成日行過幾間分店都係三過店門而不入，今次終於都同朋友一試亞士厘道分店。入去坐左個幾鐘，基本上外籍客人多過華人，而店員俾我既感覺都似係家庭式生意，請番自己人，都係非華裔人士。全程對話都要用英文架。每份六吋三文治都要三十幾蚊，唯獨是素食包就 $26。加 $15 可以配埋兩塊曲奇或者一包細薯片，一杯汽水或者一小碗餐湯。另外，買一個六吋包加 $21 可以加大到變成一呎長既包。以下就叫左兩個餐：1. 肉丸包 (選配薯片同汽水) $36佢每日都會有一款包做特價，幫襯既時段已經係夜晚九點後。剛巧星期日係食肉丸包，四粒肉丸放入一個六吋包，有意式茄醬。配料自選，落左生菜絲、青瓜、番茄、紫椰菜絲、車打芝士。醬汁呢樣野我就唔在行，請服務員代辦，加左蜜糖芥末同 Mayonnaise。汽水自己斟，薯片係燒烤味，不過咁樣買細薯片同汽水要 $15 就唔抵喇。有個外國人突然問我，點解會揀肉丸包，其實肉丸包好似唔抵，但係佢個意式醬汁真係好味，所以我自己都幾鍾意。2. 牛扒芝士包 (選配忌廉蘑菇湯同兩塊曲奇) $50牛扒個樣
直到 Subway 進軍香港咁耐，成日行過幾間分店都係三過店門而不入，
今次終於都同朋友一試亞士厘道分店。
入去坐左個幾鐘，基本上外籍客人多過華人，
而店員俾我既感覺都似係家庭式生意，請番自己人，都係非華裔人士。
全程對話都要用英文架。
每份六吋三文治都要三十幾蚊，唯獨是素食包就 $26。
加 $15 可以配埋兩塊曲奇或者一包細薯片，一杯汽水或者一小碗餐湯。
另外，買一個六吋包加 $21 可以加大到變成一呎長既包。
以下就叫左兩個餐：
1. 肉丸包 (選配薯片同汽水) $36
佢每日都會有一款包做特價，幫襯既時段已經係夜晚九點後。
剛巧星期日係食肉丸包，
四粒肉丸放入一個六吋包，有意式茄醬。
配料自選，落左生菜絲、青瓜、番茄、紫椰菜絲、車打芝士。
醬汁呢樣野我就唔在行，請服務員代辦，
加左蜜糖芥末同 Mayonnaise。
汽水自己斟，薯片係燒烤味，不過咁樣買細薯片同汽水要 $15 就唔抵喇。
有個外國人突然問我，點解會揀肉丸包，
其實肉丸包好似唔抵，但係佢個意式醬汁真係好味，
所以我自己都幾鍾意。
2. 牛扒芝士包 (選配忌廉蘑菇湯同兩塊曲奇) $50
牛扒個樣就似係牛肉片多 D，同樣係配車打芝士。
配料同自選醬汁，都同上面講肉丸包相同，
唯獨是唔要番茄，因為同牛扒唔係好夾。
佢放好晒配料之後，將呢兩個包都放入焗爐，按掣焗廿秒，
不過剩番七秒個陣就拎左出黎。
芝士溶唔晒，我估佢焗足廿秒可能好好多。
個湯可以揀紅、白，我自己係白湯 Fans 就當然揀忌廉湯。
足料，不過太細碗喇，唔夠喉。
至於兩塊曲奇，要左一片花生醬味，一片 Chocolate Chips，
朱古力味幾好，不過片花生醬味甜到真係唔想食落去。
想試盡不同配料同醬汁，似乎我都要鑽研一下，
至少都要識個英文點樣叫，下次真係要學定先。
全餐既感覺係個包同個湯最正，但係曲奇、薯片真係豬頭骨。
感覺上最佳配搭會係六吋包加餐湯同曲奇。
全個包當住你面整晒，可以全部由你話事，真係算唔錯。
不過我唔算大食，都叫做只係夠皮。
本來 Open Rice 寫住有某信用卡九折優惠，
不過呢間分店就用英文話「我地呢度太新喇，未有信用卡機」，
只收八達通同現金付款。
無折，不過一試無妨。
兩個人，分一半黎食，樣樣試下，夾埋 $86 左右，平均每人 $43，
咁樣價錢當係試新野，算係唔錯架喇。
Post
