Oliver's Super Sandwiches (Closed)

唔知幾時開始早餐時段多咗張枱賣早餐，但一直都無留意佢賣D咩，直至上星期先留意到佢原來有熱狗賣，而且條熱狗腸睇落好大條，仲有D酸瓜醬好似好好味，經過幾日我都眼望望心思恩都無行動，今日既然諗唔到食咩早餐，就揀個美式街頭早餐啦! (睇戲D橋段主角成日都係喺街邊買個熱狗做早餐!)買到返公司個賣相已經唔係好靚，個包焗到外層有D脆脆地，入面仲好軟熟，條腸D肉都幾實，唔係普通罐頭嘢，D酸瓜醬唔會太酸搶晒D味，不過唔鐘意一早落好晒D茄汁芥辣，如果俾兩包醬分開自己落會好好多。12蚊唔算好抵，合理喇。