Brooklyn (Closed)

難得放工約咗人食飯，決定試下 moko 間美國餐廳。第一刻入到去就覺得：哇好黑喎！我哋二人就嗌咗set dinner，都幾掋喎，晚市仲有$168 既set，仲以為得 a la carte 添。每人有個蘑菇湯，餐飲嗌咗 lemonade，酸酸甜甜十分好味。前菜我哋嗌咗檸檬胡椒雞粒，雞粒炸得好脆，有檸檬味好好食。另外嗌埋脆皮慢煮紅菜頭，紅菜頭平時都係當沙津咁生食，脆皮真係未試過食，一定要嗌。主菜嗌咗炭燒厚切蘋果木煙豬腩同野菌汁燒肉眼牛排配松露薯條。豬腩肉燒得一流，下次一定會再點。個牛排反而普通，不能淋，有咬唔開而薯條也不是我喜歡的粗薯條。最後我地散嗌咗個 brownie，但份量很失望，啲 brownie 全部係細細粒。