Street Meat (Closed)

喺呢間美式餐廳入面竟然食到海膽同和牛？真係估佢唔到喎！？第一款美食用左卡邦尼既整法，但就棄用傳統既意粉或天使麵，改配烏冬，上面鋪滿海膽，仲有芝士混合海苔，美國mix日本，fusion到神級境界，哈哈！急不及待先試試海膽既味道，夠鮮甜肥美，唔錯；之後將蛋汁mix埋烏冬同芝士一齊入口，好滑身，出奇地夾！第二款係和牛漢堡，通常和牛既油花較其他品種既牛多、密同平均，所以呢個漢堡咬落特別鬆軟，和牛肉質好嫩同juicy，仲有番茄、酸青瓜片同生菜豐富口感，又一美日合壁之作。