犇道 Chef Ben- Cafe & Steak Bar (弦海) (Closed)

近來，連平日坐底食晚餐都變得奢侈，今日難得返工有時間約朋友食飯，就近近地到屋企附近嘅犇道。犇道環境舒適，可以一邊望咗河景，一邊享用晚餐。唔想用腦諗叫咩，所以就點咗犇道皇子烤羊 2人套餐。頭盤一黎已經有驚喜，原本以為只有沙律，原來係番茄包配Parma ham同火箭菜。是日餐湯係忌廉蘑菇湯，重蘑菇味。飲品點咗特飲，烤杏仁生椰乳咖啡，近來夜貓嘅我完全唔怕咖啡因。椰乳配咖啡好夾。主菜二選一，擇咗fusion菜式— 冬陰公忌廉海鮮意粉。冬陰公汁帶微辣，蓋過忌廉汁，整體好香口惹味。之後就上咗成大碟肉，補充精力一流！寶雲酥烤羊架配薯菜，寶雲酥係法國傳統嘅焗羊架方法，烤羊架前塗上芥末醬、麵包糠和香草。外層麵包糠令羊架更有層次感。最重要係羊架完全唔羶，取而代之係香草味。泰式醬烤牛肉粒用沙嗲調味，食落有肉汁。粗薯條即點即炸，同凍檸茶一樣係任添。食甜品係第二個胃，叫咗巴別塔甜品盤，好豐富，有兩大件croffle，最愛嘅心太軟 ，4球雪糕。Croffle脆身，個人好甜配蜜糖一流，而朋友就鍾意紅莓醬酸酸地。心太軟朱古力有流心效果，好濃味。好想要多啲機會出街食飯。