Video
Read full review
2018-05-01
145 views
夾好假期去左澳門玩，五一當晚回港。同行朋友知我係海鮮迷，提議一齊去The Joomak食青口煲放題。專登由中港城行過嚟，等位等左大半個鐘，有個靚景。但原來青口放題限星期一、二供應(公眾假期除外)，oh NO！放題係$298 喺90 分鐘內任食泡菜番茄同牛油馬格利青口，一心諗住食青口嘛，嚟到唔食未免有啲失望，原來可以單點，牛油馬格利青口伴炸蕃薯條一客$268，OK 咁單點啦，再搭其他嘢食囉。一煲大大煲，有十幾隻巨型青口，配搭牛油馬格利汁，酒味同牛油味唔會太濃，互相平衡，帶出青口鮮味。青口肉都幾甜幾厚肉，好想叫多煲，但都係點到即止算，下次一定要嚟食個放題食盡啲，順便試埋個泡菜番茄汁。另外個蕃薯條係即炸，香甜又好脆口。第一次嚟The Joomak，叫左幾多嘢食。朋友點左冰馬格利(菠蘿) 有酒精$68，一大個鐵桶上枱，其實只係裝飾嚟，中間支玻璃樽先係裝住野飲。朋友話酒味唔嗆喉，又唔太甜，好易入口。我叫左土耳其蘋果茶(熱)$68，蘋果乾粒有啲酸，自己可以用蜜糖調較返個甜度，飲完覺得好清潤。卡邦尼年糕$68，個汁好濃，好飽肚。板燒安格斯肉眼扒$248，有菇、菜、水牛芝士，水牛芝士放喺差唔多熟既牛扒
專登由中港城行過嚟，等位等左大半個鐘，有個靚景。
但原來青口放題限星期一、二供應(公眾假期除外)，oh NO！放題係$298 喺90 分鐘內任食泡菜番茄同牛油馬格利青口，一心諗住食青口嘛，嚟到唔食未免有啲失望，原來可以單點，牛油馬格利青口伴炸蕃薯條一客$268，OK 咁單點啦，再搭其他嘢食囉。
一煲大大煲，有十幾隻巨型青口，配搭牛油馬格利汁，酒味同牛油味唔會太濃，互相平衡，帶出青口鮮味。青口肉都幾甜幾厚肉，好想叫多煲，但都係點到即止算，下次一定要嚟食個放題食盡啲，順便試埋個泡菜番茄汁。
另外個蕃薯條係即炸，香甜又好脆口。
第一次嚟The Joomak，叫左幾多嘢食。朋友點左冰馬格利(菠蘿) 有酒精$68，一大個鐵桶上枱，其實只係裝飾嚟，中間支玻璃樽先係裝住野飲。朋友話酒味唔嗆喉，又唔太甜，好易入口。
我叫左土耳其蘋果茶(熱)$68，蘋果乾粒有啲酸，自己可以用蜜糖調較返個甜度，飲完覺得好清潤。
卡邦尼年糕$68，個汁好濃，好飽肚。
板燒安格斯肉眼扒$248，有菇、菜、水牛芝士，水牛芝士放喺差唔多熟既牛扒上面燒，好快就會變稠，做成拉絲效果。雖然睇相牛扒唔算多，但事實係佢有兩層，同埋厚切，夠腍又好有牛肉味，個人覺得幾抵食。加上燒喺嚟吱吱聲仲超香，真係色香味俱全。
最後叫左個雪糕 提拉米蘇$78，因為無晒Tiramisu味，轉左雲尼拿味。啲餅同雪糕索晒成杯espresso，變成微苦中帶點甜，我覺得比就咁食雪糕正好多。
澳門贏左千幾蚊，呢餐變相係免費，Happy Holiday！
Post
