唐人館 (海港城) (Closed)

今晚約左好姊妹去海港城食飯，但我地太即興所以冇訂枱，大部份餐廳都大排長龍，我地就去左唐人館，因為唔洗排隊。起初都有啲擔心架，因為當每一間餐廳都係排隊，而呢間唔洗排，不過凡事都有第一次，咁就膽粗粗入左去。入到去裝修好靚，好有上個世紀香港西式餐廳嘅味道，有一種古典味道。如果坐窗口位就係望住維港3個人叫左3餸1麵1甜品，味道同賣相都一流。不過我已經唔記得哂啲菜名啦，只係隱約記得係咩食物。炒蝦球炸子雞茄子素鴨呢味已經唔記得名，佢係將肉碎米粉煎成一個餅黑糖糕當晚仲見到王苑芝一家黎呢度食，原來佢係呢度嘅常客，感覺好有貴氣。