Video
Read full review
2024-09-04
1074 views
去到鯉魚門梗係食海鮮啦🐟放工同朋友嚟到碼頭真係好relax，去到三家村碼頭就見到大大隻字「野生海鮮蒸氣石碢」，原來係「蟹仙」其中一間分店，蒸海鮮就立刻令我聯想起新鮮海鮮，食落原汁原味🦀我同朋友揀咗尊貴海鮮套餐，每位$449已經好豐富，蝦蟹龍蝦鮑魚等等都有齊，非常抵食，仲有其他套餐都好吸引又抵食！店員好貼心咁幫我哋蒸海鮮，基本上全程除咗剝殼之外都唔洗點郁，服務周到又貼心。首先食加拿大野生海虎蝦🦐蝦肉新鮮又彈牙，蝦頭嘅汁簡直係一咬就爆出嚟，所以記得小心啲食😝超香蝦膏香味。之後食台灣九孔鮑魚，簡直係超爽彈，仲有韓國釜山珍珠蠔🦪通常食鮑魚或者蠔都會想點醬汁，但店員非常貼心咁提點食客，希望我哋食到海鮮原有嘅味道，盡量唔好點醬汁，果然就算蒸完嘅鮑魚同蠔，都係超有鮮味，其實唔洗點任何醬汁架！第一次試韓國釜山鰻魚，第一次食鰻魚係點Wasabi，原來真係幾夾喎！然後就一連食三款甲殼類海鮮，有大西洋野生青口、紐西蘭刀貝蚌，肉質飽滿新鮮，真係唔洗點任何調味 ，非常鮮甜，仲有蟹黃大元貝，好睇又好食😋之後就到重頭戲！有野生琵琶龍蝦，自然環境活動同成長，肉質更有彈性新鮮，靚貨帶點蝦膏，真係錦上添花。最後一樣海鮮就
我同朋友揀咗尊貴海鮮套餐，每位$449已經好豐富，蝦蟹龍蝦鮑魚等等都有齊，非常抵食，仲有其他套餐都好吸引又抵食！店員好貼心咁幫我哋蒸海鮮，基本上全程除咗剝殼之外都唔洗點郁，服務周到又貼心。
首先食加拿大野生海虎蝦🦐蝦肉新鮮又彈牙，蝦頭嘅汁簡直係一咬就爆出嚟，所以記得小心啲食😝超香蝦膏香味。之後食台灣九孔鮑魚，簡直係超爽彈，仲有韓國釜山珍珠蠔🦪通常食鮑魚或者蠔都會想點醬汁，但店員非常貼心咁提點食客，希望我哋食到海鮮原有嘅味道，盡量唔好點醬汁，果然就算蒸完嘅鮑魚同蠔，都係超有鮮味，其實唔洗點任何醬汁架！第一次試韓國釜山鰻魚，第一次食鰻魚係點Wasabi，原來真係幾夾喎！然後就一連食三款甲殼類海鮮，有大西洋野生青口、紐西蘭刀貝蚌，肉質飽滿新鮮，真係唔洗點任何調味 ，非常鮮甜，仲有蟹黃大元貝，好睇又好食😋
之後就到重頭戲！有野生琵琶龍蝦，自然環境活動同成長，肉質更有彈性新鮮，靚貨帶點蝦膏，真係錦上添花。最後一樣海鮮就係超正嘅野生膏仔蟹🦀個蟹蓋一掀出嚟就有好多膏，超級鮮甜，正到爆！蟹身啖啖肉，蟹膏仲係流質嘅感覺，食落啖啖鹹香，證明蒸嘅時間都係控制得非常好！
蒸完咁多海鮮，精華落晒個粥底度。最後仲有甜品！燉燕窩真係好好食又養顏😍
Post
