阿里山台式美人鍋 (Closed)

響佐敦油麻地呢一帶經常好多好味嘅食店，今次見到一間新開嘅台式火鍋！裝修同食物都充滿台灣嘅風味，就約埋朋友一齊嚟試吓！我哋選擇咗一個會越食越靚嘅美人鍋，職員話呢一個係呢度嘅招牌菜！果然材料好豐富！入面有一大隻烏雞，感覺已經好滋補！另外好輕易已經撈到非常多嘅桃膠，聽講桃膠含豐富嘅膠原蛋白，而且吸收左湯底嘅鮮甜，味道好似啫喱嘅質感！好味。另外圓肉亦都非常之多！所以個湯好鮮甜！我飲咗幾碗先再開始打邊爐！調味料冇咩特別。但睇落幾新鮮，唔知準備左好耐。我哋要左一份手切肥牛，肥牛厚薄適中，肉味好濃，有𡁻口，有肉汁！好吃！粟米好甜！每一粒都好飽滿多汁！最特別嘅係呢度嘅薯粉，好煙韌好滑！吸入湯底嘅清甜十分美味！最後職員送上一份蔬果！係台灣嘅著名生果芭樂！我之前一路冇買過，第一次食！好爽好清甜！