功德林上海素食 (北京道一號)

Open Now

Now Closed

婆婆同媽媽都鍾意食齋，所以就搵左個星期五同家姐約埋佢地去功德林食，順便行下尖沙咀，欣賞下景色。功德林係尖沙咀北京道1號，地鐵站行過去話近唔近話遠唔遠，但唔難搵嘅。五福臨門拼盤(小) $218糖醋松子黃魚 $108岩岩送上泥嘅時候，真係以為係一條魚，真係呃到人，咬落口先發現係用芋頭做，外面煎到脆卜卜，有種魚皮嘅感覺，而芋頭肉就軟得濟，雖然無咁似魚肉，配埋酸酸甜甜嘅汁，好易入口好開胃。鮮菇百合五仁 $98杞子芙蓉蝦 $98好彈口，做到好似真蝦嘅肉質。南瓜蟹粉魚翅羮 $78好重南瓜味，魚翅做得幾好，有彃性，唔係用粉絲做。宮保雞丁 $98怕辣無食到，但聽屋企人講話做得唔錯，辣得幾過癮。高力豆沙 $682加香蕉加左$10，不過唔緊要，高力豆沙就係要有香蕉先好食，因為師傅係即叫即做，所以見枱面嘅野食得七七八八就好落單啦，新鮮出爐食落去燙口嘅，好鬆軟，甜而不膩。埋單一千蚊，價錢其實偏貴，但係尖沙咀地段，而且服務好，服務員無時無刻留意住我地，杯入面嘅茶水一減少，服務員會立即上前為你添加，一分錢一分貨。