二悅

Open Now

Now Closed

昨日要到元朗，所以預早揾定有咩食。見到二悅嘅台灣面賣相非常吸引，所以決定一試。可能係星期六關係，輪侯人比較多，好彩食客亙相識做，食完好快離座，我更好彩，啱啱係截龍嘅最後一個，佢地截單到下午3點，所以大家都要預番時間。今次叫咗蔥油撈面定食，係可以配2小碟小食，我真係有d 掙扎，好多都想試，最後揀咗牛腱同台灣腸，另加蛋，再另叫青檸梳打水。因排隊其間已填order,所以入座好快就有得食。梳打水冇加糖超愛，有時真係怕咗變成糖水咁。面算爽身，食物都唔會過濃，牛腱咬口適中，真係必叫之選。呢到係元朗小店，所以座位有限，要黎試試嘅朋友要耐心少少，相信你食後都覺得值得一排。