稻埕飯店 (V Point) (Closed)

呢幾日成日落雨， 攪到好煩好悶， 於是約左好姊妹，食飯同品酒， 希望驅走一身悶氣。好姊妹帶我地去左銅鑼灣V Point 稻埕飯店食飯。 餐廳主打台灣菜， 好多食品同酒類都由台灣直送， 攪到我地呢班鍾意去台灣旅行的姊妹可以一解思鄉之愁。前菜: 白滷水九孔鮑魚， 凍食鮑魚另有一番風味， 鮑魚爽口, 加埋軟綿綿的魚片， 有爽有軟口感。蟹肉蛋白泡泡脆米金湯， 材料好多， 白色圓形蛋白， 好香蛋白味， 加上脆脆， 好似食緊爆谷咁。 當然最精彩係個金湯， 海鮮味濃， 蟹肉，瑤柱完全張個湯昇華。鹽酥波士頓龍蝦脆角豆金瓜， 龍蝦肉厚爽口， 南瓜片爽到卜卜脆。黑松露鮮百合花， 百合味道清香， 加上黑松露後， 味道好似薯蓉， 感覺好特別。八斗子炒飯， 色香味濃， 一應俱存， 粒粒飯香， 高水準炒飯。石榴傾情， 水果系列的雞尾酒，全部由台灣水果取材。呢一杯芭樂傾情充滿台灣地道的芭樂汁，配上Gin酒不會掩蓋水果香甜，加上淡淡粉紅色，好適合女士飲。蜂蜜白苦瓜汁，蜂蜜白苦瓜汁係台灣名物，蜂蜜清潤，白苦瓜汁入口回甘，風味獨特，感覺清新宜人。薑米水， 薑汁， 檸檬， 米水竟然味道十分匹配， 容易入口， 好啱呢個郁悶天