撈喜 (Closed)

適逢契妹農歷生日，週三晚賽馬日就由佢話事，遠離跑馬地，去咗筲箕灣一家開業不到兩週o既「撈喜」同佢食長壽麵，賀一賀佢。傍晚時份，小店已九成滿，似乎都幾受街坊歡迎。兩口子進內即被安排入座門口唯一剩餘o既二人枱。埋位後，妹妹仔先送上茶及餐牌，每每有人路經門口，佢仲自動走出去為新店介紹一番，很是落力。餐廳除咗主打撈麵之外，配料主材更用上花膠。故餐墊上亦刻意詳盡花膠對不同人仕有啲咩益處，明確地道出男女老幼都咁啱食！餐牌內附精美彩圖，睇落啲餸菜都好貴氣，但意外地價錢卻又夠平民喎。契妹點咗個「一世發」（$148）o既「撈起豪華宴」，包有滋潤o既招牌花膠撈麵、招牌花膠美人湯、泰式豬頸肉、灼田園清蔬，極之豐富，當真猶如套餐個名般豪華。XO仔因飯後仍要參加舞會，所以就揀咗個「黑松露汁花膠撈」。再應妹妹仔推介新張優惠，以「易發」（$28）加多隻「冰鎮南非鮑」。冰鎮南非鮑（新張優惠$28；原價$88；追加$68）：凍食o既鮑魚厚身得黎軟潤又富彈性，$28隻絕對超值。黑松露汁花膠撈（$72）：$100有找o既撈麵真係配埋大大件花膠架，絕無虛言！成朵花形o既花膠片脆卜卜，點上碟上o既黑松露汁食用，效果很是芳香。暖