Video
Read full review
2022-01-05
130 views
天氣凍好想食火鍋，今次嚟咗呢間朋友介紹嘅火鍋店，湯底好味，而且食材用料新鮮。我哋揀咗鴛鴦湯底$188，一邊係滋補美人鍋，另一邊係麻辣湯。美人鍋湯底好出色，用了十足，有半隻竹絲雞、黨參、北芪、紅棗、桃膠，個湯好甜，打邊爐之前我哋每人飲咗一大碗，好滋補。隻烏雞肉質都唔嚡，幾有雞味。麻辣湯抵嗰邊都有蜂巢豆腐同埋鴨血，吸晒啲湯汁，好惹味。白鱔片$118鱔片厚肉，肉質爽，鮮甜肥美，好新鮮，一啲都唔腥。黑松露蝦丸$48呢個有得揀半份，有4粒，啱晒我哋兩丁人可以試多啲唔同款式。蝦丸好爽口彈牙，有蝦嘅鮮味再加上超級濃郁嘅黑松露香味好食。梅菜豬肉丸$40呢個都係叫咗半份，豬肉丸打得好爽口，質感有啲似貢丸，加上甜甜嘅梅菜，好好味。鳳城水餃$42半分有四隻，水餃入面嘅蝦肉係搞爛的，如果用原隻蝦更好，但係呢個味道都唔錯，有好多爽口嘅木耳絲，食落口感清爽。皇帝菜$48菜鮮嫩，冇渣，打邊爐食咁多嘢係要食返啲蔬菜，感覺健康啲。紅薯粉 $38紅薯粉用嚟放湯食最啱，煙煙韌韌，吸晒打邊爐湯底嘅精華，超級入味。Follow 社交平台仲送嘢飲，我哋分別揀咗杞子桂圓菊花蜜同埋洛神花茶，打邊爐飲番杯冰凍飲品，好舒服。最後仲有雪糕
我哋揀咗鴛鴦湯底$188，一邊係滋補美人鍋，另一邊係麻辣湯。美人鍋湯底好出色，用了十足，有半隻竹絲雞、黨參、北芪、紅棗、桃膠，個湯好甜，打邊爐之前我哋每人飲咗一大碗，好滋補。隻烏雞肉質都唔嚡，幾有雞味。
麻辣湯抵嗰邊都有蜂巢豆腐同埋鴨血，吸晒啲湯汁，好惹味。
白鱔片$118
鱔片厚肉，肉質爽，鮮甜肥美，好新鮮，一啲都唔腥。
黑松露蝦丸$48
呢個有得揀半份，有4粒，啱晒我哋兩丁人可以試多啲唔同款式。蝦丸好爽口彈牙，有蝦嘅鮮味再加上超級濃郁嘅黑松露香味好食。
梅菜豬肉丸$40
呢個都係叫咗半份，豬肉丸打得好爽口，質感有啲似貢丸，加上甜甜嘅梅菜，好好味。
鳳城水餃$42
半分有四隻，水餃入面嘅蝦肉係搞爛的，如果用原隻蝦更好，但係呢個味道都唔錯，有好多爽口嘅木耳絲，食落口感清爽。
皇帝菜$48
菜鮮嫩，冇渣，打邊爐食咁多嘢係要食返啲蔬菜，感覺健康啲。
紅薯粉 $38
紅薯粉用嚟放湯食最啱，煙煙韌韌，吸晒打邊爐湯底嘅精華，超級入味。
Follow 社交平台仲送嘢飲，我哋分別揀咗杞子桂圓菊花蜜同埋洛神花茶，打邊爐飲番杯冰凍飲品，好舒服。
最後仲有雪糕糯米糍送添。埋單發現原來有七折，抵咗好多，呢餐食得好滿足。
Post
