十二味 (香港仔中心4期)

Open Now

Now Closed

同朋友去完南丫島玩，落船已經好肚餓，就諗住去香港仔搵啲嘢食。行咗幾條街都好似冇乜嘢特別，大家都想食辣嘢就試吓呢一間，估唔到有意外驚喜。坐低先知道呢間原來係連鎖店，好多人喺裏面食酸菜魚，不過我唔啱，所以就叫咗呢個乾鍋。乾鍋裏面炒嘅材料，全部都係自己選擇，即係裏面所有嘅嘢都可以揀自己鍾意食嘅。我個評語係夠辣同埋香口，雖然望落去真係好唔健康，但係間唔中食一餐半餐冇問題嘅。最令我感動嘅係，我哋叫咗其中一樣材料係鵪鶉蛋，佢地唔係就咁放啲鵪鶉蛋落去炒，連鵪鶉蛋都係炸過然後先炒，多一重口感，亦都更加香。不過可惜嘅係，年糕係同一個炮製方法，先炸後炒，但係就炸得太乾身，所以比較硬。