Video
Read full review
2024-08-10
537 views
美食依舊，但服務有待提升作為一家米芝蓮推薦的餐廳，莆田（銅鑼灣)一直是我哋一家人嘅至愛。不過，最近一次嘅家庭午餐經歷真係令我哋幾失望。雖然食物依然保持高水準，但整體服務質素明顯下滑，呢個同我哋對米芝蓮餐廳嘅期望真係有啲距離。講真，可能唔會再幫襯呢間餐廳。服務質素下降嘅原因：1. 我哋預訂咗兩張枱，十幾位大人同埋兩個BB係私人房間。點知其中一張枱嘅射燈係我地頭上不停閃，搞到我哋食飯時眼都花。問咗服務員，佢哋話已經知，仲話會叫技術人員嚟修理，咁我哋唯有喺個射燈閃下閃下既環境下食飯，感覺真係好差。2. 呢個先係重點，根據餐廳要求，我需要先畀$500作為訂金，然後喺埋單嘅時候扣返呢$500。但係，埋單嗰陣服務員唔記得扣返呢$500訂金。咁事後我打電話返去餐廳了解返呢$500既退款安排，佢哋話會喺夜晚打返俾我交代返呢個安排，但係最終無人聯絡我。呢種服務真係令人失望。同埋，係我打電話問個陣，佢哋竟然話，我無提醒佢哋扣返呢$500，呢個係客嘅問題????最尾，我要第二日再提佢地，佢地先主動聯絡返我，退款🤷🏻♂️🤷🏻♂️如果你只係追求高質素嘅食物，莆田（銅鑼灣)依然係一個唔錯嘅選擇。但係，如果你重視優
作為一家米芝蓮推薦的餐廳，莆田（銅鑼灣)一直是我哋一家人嘅至愛。不過，最近一次嘅家庭午餐經歷真係令我哋幾失望。雖然食物依然保持高水準，但整體服務質素明顯下滑，呢個同我哋對米芝蓮餐廳嘅期望真係有啲距離。講真，可能唔會再幫襯呢間餐廳。
服務質素下降嘅原因：
1. 我哋預訂咗兩張枱，十幾位大人同埋兩個BB係私人房間。點知其中一張枱嘅射燈係我地頭上不停閃，搞到我哋食飯時眼都花。問咗服務員，佢哋話已經知，仲話會叫技術人員嚟修理，咁我哋唯有喺個射燈閃下閃下既環境下食飯，感覺真係好差。
2. 呢個先係重點，根據餐廳要求，我需要先畀$500作為訂金，然後喺埋單嘅時候扣返呢$500。但係，埋單嗰陣服務員唔記得扣返呢$500訂金。咁事後我打電話返去餐廳了解返呢$500既退款安排，佢哋話會喺夜晚打返俾我交代返呢個安排，但係最終無人聯絡我。呢種服務真係令人失望。同埋，係我打電話問個陣，佢哋竟然話，我無提醒佢哋扣返呢$500，呢個係客嘅問題????
最尾，我要第二日再提佢地，佢地先主動聯絡返我，退款🤷🏻♂️🤷🏻♂️
如果你只係追求高質素嘅食物，莆田（銅鑼灣)依然係一個唔錯嘅選擇。但係，如果你重視優質服務，咁莆田（銅鑼灣)真係仲有好大改善空間。
97 views
1 likes
0 comments
Post
