拉麵Jo (Closed)

鍾意食拉麵既小編今日又再出動喇😋，今次就去到元朗形點同朋友搵一間拉麵店，而拉麵店個名叫做「拉麵Jo」，聽落個名有新穎有特色🤔，再望一望外觀係開放式既餐廳，一眼望晒入面整體環境👀，感覺都好似唔錯，就不如近近地入去食呢一間啲拉麵🙌。✦✦✦✦✦✦✦✦✦✦✦✦✦✦🎈蔥花牛舌牛舌煙韌，有咬口，如果同朋友慢慢邊談邊食😁，不錯。不過味道方面就比較一般，唔係太突出到應有味道，而係份量方面係足夠兩人食✌。✦✦✦✦✦✦✦✦✦✦✦✦✦✦🎈自製餃子自製餃子既味道同形狀都出面無太大分別，都係以豬肉、菜為主，日式店必有餃子款式✨。不過師傅就煎得啱啱好，餃子皮並唔會煎得太燶而感覺好硬💦。✦✦✦✦✦✦✦✦✦✦✦✦✦✦🎈蟹拉麵一大隻軟殼蟹放埋係拉麵入面🤯，小編一開始覺我軟殼蟹咁樣浸係湯入面會變得無咁脆，擔心可能會影響整體既口感，但當咬入口時仲帶點脆身😳，而且一大啖咁咬入口，香濃蟹味加上咀嚼既感質非常好食🤤，所以連殼咁食又脆又多肉，外觀上亦非常吸引😌。✦✦✦✦✦✦✦✦✦✦✦✦✦✦小編覺得比較可惜既係唔可以去揀麵既粗幼同軟硬度，所以對於食開拉麵既小編嚟講會有些少跌分😐，不過依個整個軟殼蟹拉麵就比較少見，小編食得亦都好大滿足