南北匯

Open Now

Now Closed

今日朋友book咗飯焗仲有得唱K，超爽呀。🎉🎉🎉。廚師發辧前菜 : 麻油黑木耳話梅蕃茄 ，鮑魚萵筍絲，琥珀合桃 ：話梅蕃茄果然有話梅味，好有趣。鮑魚細粒但仍然濃厚。😋😋棗皇竹笙燉鳳尾翅：嘩，大大片翅。清湯令翅帶着燉湯的味道。仲有竹笙。真係好滋補。鮑魚扣鵝掌北菇：鵝掌炆得好入味又好淋，輕輕一切就可骨肉分離。好開心又可以再食鮑魚，今次係大隻的，yeah😍😍😍乾邑鵝肝煎帶子：鵝肝香煎，入口即溶。帶子大大隻，煎香，軟滑，味美。XO醬碧綠醬炒双蚌：廚師煮双蚌的時間剛剛好，蚌好彈牙。用XO醬完全帶出蚌的鮮甜味而又惹味。瑤柱翡翠炒𢇁苗：一碟有一碗份量的。每粒飯都有蛋黃。飯粒粒分明。鮮奶燉燕窩：燉鮮奶只係小小甜，好滑。同燕窩一齊食真係好滋補。仲有任食 Haagen Daze 雪糕，真係鬧心。一邊食一邊唱，工作的壓力都消失於美食同歌聲中。